LEXO PA REKLAMA!

SHKARKO APP

17-vjeçarja humbi jetën në aksident/ Hetimet vijojnë zvarritjen pas 5 vitesh

20 Mars 2024, 21:35, Denoncim CNA

17-vjeçarja humbi jetën në aksident/ Hetimet vijojnë

Në 21 qershor 2021 emisioni “Stop” në Tv Klan transmetoi denoncimin e zonjës Alketa Duro. Ajo tregoi manipulimin e aksidentit që i mori jetën vajzës së saj 17-vjeçare Ana. Ngjarja ka ndodhur në 15 mars 2019 në plazh Borsh. Dy të rinjtë, e bija dhe i dashuri,  ishin me makinën e familjes së vajzës pasi familjet  ishin në dijeni të lidhjes së Anës me të riun Roberto Dhuli.

Atë pasdite rreth orës 17:00 makina del nga kontrolli dhe bie në një kanal kullues në anë të rrugës, duke shkaktuar humbjen e jetës për 17-vjeçaren, ndërsa djali shpëton. Çështja e aksidentit Borsh duhej të hetohej nga Prokuroria e Vlorës, por në mënyrë të çuditshme, këtë dosje e mori Saranda, prokurori Lorenc Mërkuri. Ky i fundit pas 4 ditësh e mbylli dosjen duke bërë fajtore viktimën. Hetimi u shkatërrua pa filluar, pasi trupit të të ndjerës nuk iu bë autopsi për të kuptuar shkaqet e vdekjes.

Apeli i Gjirokastrës evidentoi të gjitha këto mangësi. Çështja e aksidentit Borsh u trajtua si lojë ping-pongu, duke kaluar në Sarandë, Gjirokastër,Vlorë e Tiranë. “Stop” ka mësuar, se së fundmi çështja ndodhet në Vlorë, në dorë të prokurores Flora Çela. Sot pas dy vitesh, nëna e të ndjerës 17-vjeçare kërkon sërish drejtësi, pasi prokuroria Vlorë nuk ka ecur fare me çështjen e aksidentit./tvklan.al

 

Lajmet e fundit nga