E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zbulohet "email"-i/ Mirel Mërtiri urdhëron që Bashkia Tiranë të mos paguajë lekë për mbetjet e Teatrit

1 Nëntor 2023, 13:53, Aktualitet CNA

Zbulohet "email"-i/ Mirel Mërtiri urdhëron që Bashkia

Anëtari i Kryesisë së Partisë Demokratike, Belind Këlliçi, ka publikuar sot të dhëna të tjera të rëndësishme për aferën me inceneratorin e Tiranës.

Këlliçi ka publikuar një "e-mail" ku Mirel Mërtiri urdhëron që mbetjet e Teatrit Kombëtar pas shembjes, të depozitohen pa asnjë pagesë në landfillin e Sharrës.

"Bëni rakordimin me bashkinë, por mos e faturoni teatrin", thuhet në "email"-in që Mërtiri i ka nisur Denisa Tollkuçit.

"Ndërsa në datën 18 maj 2020, vetë Mirel Mërtiri urdhëron që mbetjet e Teatrit Kombëtar, të depozitohen pa asnjë pagesë në landfillin e Sharrës. Një tjetër aferë korruptive kjo, me ligj special, e dyshes Rama-Veliaj, e faktuar nga Gjykata Kushtetuese. Pra, është Erion Veliaj që vendos se cili biznes do të paguajë për depozitimin e dherave dhe cili jo. Është Erion Veliaj që vërteton, me veprimet e tij dhe të vartësve të tij, se është vetë ai pas aferës së inceneratorit të Tiranës. Pra është Edi Rama pas kësaj skeme, sepse ky është një akt korruptiv qindra milionësh, që kërkon miratimin e shefit, dhe jo një tender i zakonshëm për meremetimin e zyrave të Bashkisë.

"E-mail" i Mirel Mërtirit

Ndërkohë, Këlliçi denoncon se në datën 18 qershor 2018, në një komunikim mes punonjësve të inceneratorit dhe Bashkisë Tiranë, kompania "Arlis Ndërtim" do t'i shmangej pagesës për depozitimin e plehrave.

"Në datën 18 qershor 2018, në një komunikim mes punonjësve të inceneratorit dhe Bashkisë Tiranë, kompania 'Arlis Ndërtim', e cila u lejua nga policia bashkiake të ndërtojë 7 kate pa leje në qendër të Tiranës, në sheshin 'Skëndërbej', do t’i shmanget pagesës për depozitimin e dherave, meqenëse kjo kompani do të ndërtonte zyra në favor të Bashkisë Tiranë, të cilat ende nuk i ka parë askush. Të mos harrojmë të nderuar qytetarë, që kjo kompani e cila ndërton ditën për diell, 7 kate pa leje në zemër të Tiranës, jo vetëm që nuk penalizohet, ashtu siç ndodh me mijëra qytetarë që nuk riparojnë dot as çatitë e shtëpive të tyre, por përkundrazi, shpërblehet me leje ndërtimi në troje publike me vetë firmën e Erion Veliajt", shprehet Këlliçi.

Komunikimi mes punonjësve të inceneratorit dhe bashkisë Tiranë