web counter
LEXO PA REKLAMA!

SHKARKO APP

App Store
Google Play

E fundit!

x

Puna gjatë sezonit turistik/ Balla dhe Rrumbullaku i japin "Medalje Nderi" Policisë Vlorë

1 Nëntor 2023, 11:59, Aktualitet CNA
Puna gjatë sezonit turistik/ Balla dhe Rrumbullaku i japin "Medalje
Taulant Balla, Ermal Muçaj dhe Muhamet Rrumbullaku

Ministri i Brendshëm, Taulant Balla, u ka akorduar "Medaljen e Nderit" Strukturave të Drejtorisë së Vendore të Policisë Vlorë. 

Kjo medalje u dha nga ministri Balla, gjatë një ceremonie të zhvilluar mëngjesin e së mërkurës, ku Policia e Shtetit u përgëzua për punën e kryer gjatë sezonit turistik. Pjesë e ceremonisë ishte edhe Drejtori i Përgjithshëm i Policisë së Shtetit, Muhamet Rrumbullaku, i cili bashkë me ministrin Balla i dorëzuan "Medaljen e Nderit", Ermal Muçajt, kreut të Policisë Vlorë. 

Gjatë ceremonisë u shpërndanë në total 10 Medalje Nderi, 21 Certifikata për Shërbime të Dalluara dhe 1311 shpërblime në vlerën e një page mujore për efektivët. 

"Puna e kryer vlerësohet, dhe ky vlerësim do të jetë motivim për ju. Duke ju shprehur mirënjohjen për punën tuaj, në menaxhimin e sezonit turistik, dhe dinamikës së përditshme të punës suaj, bazuar në vlerësimet dhe rezultatet konkrete të çdo punonjësi policie, ministri i Brendshëm dhe Drejtori i Përgjithshëm, kanë akorduar stimuj moralë dhe materialë, nga të cilat 10 Medalje Nderi, 21 Certifikata për Shërbime të Dalluara dhe 1311 shpërblime në vlerën e një page mujore. Këto vlerësime, do të ndikojnë në rritjen e motivimit të punonjësve të Policisë së Shtetit për rezultate në punën, jo vetëm në sezonin turistik, por në të gjithë gamën e veprimtarisë së Policisë së Shtetit", u shpreh Rrumbullaku./CNA

 

Puna gjatë sezonit turistik/ Balla dhe Rrumbullaku i japin "Medalje

 

Puna gjatë sezonit turistik/ Balla dhe Rrumbullaku i japin "Medalje

 

 





Lajmet e fundit nga