E fundit!

14:01 Live Updates

Irfan Hysenbelliu, mashtruesi që kërkon të dalë kundër shtetit

Irfan mashtruesi kundër shtetit 20 Korrik...

Skadon afati 5-ditor i ankimit ndaj masave për Berishën/ Avokati, leksion prokurorëve dhe gjyqtarëve

1 Nëntor 2023, 08:45, Aktualitet CNA

Skadon afati 5-ditor i ankimit ndaj masave për Berishën/ Avokati,

Sali Berisha

Avokati mbrojtës i ish-kryeministrit Sali Berisha, Genc Gjokutaj, ka reaguar ashpër ndaj prokurorëve dhe gjyqtarëve që po merren me çështjen dhe akuzat ndaj ish-kryeministrit.

Gjokutaj ka deklaruar se asnjë prokuror dhe gjyqtar nuk mund ta ezaurojë misionin e tij nëse nuk zotëron konceptin, arsyetimin dhe gjykimin.

Avokati bën me dije se ka skaduar afati 5-ditor i ankimit për masat e marra ndaj Berishës dhe ende nuk janë zbardhur, pasi sipas tij gjykata nuk e ka konceptin e procesit të rregullt ligjor ku përfshihen dhe afatet e ankimit.

Më tej thekson se Gjykata po shkel ligjin duke anashkaluar Kuvendin gjë që është në kundërshtim me Kushtetutën dhe si pasojë edhe gjykimin për këtë çështje e ka të pamundur.

“Logjika si shkence njeh 3 kategori:

Konceptin, arsyetimin dhe gjykimin!

Asnje prokuror apo gjyqtar nuk mund ta ezauroje misionin e tij nese nuk i njeh dhe zoteron keto kategori!

Sot skadoi afati 5 ditor i ankimit ne lidhje me vendimin e masava te sigurimit per çeshtjen penale per te cilen hetohet zoti Sali Berisha!

Vendimi i vazhdimit te masave shtrenguese te sigurimit “detyrim per paraqitje” dhe “ndalim i daljes jashte shtetit” eshte akoma i pa zbardhur!

Sepse Gjykata nuk e ka konceptin e procesit te rregullt ligjor ku hyjne edhe afatet e ankimit!

Nuk arsyeton se çfare e shtyn te shkele ligjin dhe te procedoje duke anashkaluar Kuvendin ne kundershtim me Kushtetuten e Shqiperise, ligjin procedurial penal, praktiken parlamentare, KEDNJ dhe jurisprudencen e Gjykates Europiane te te Drejtave te Njeriut!

Per pasoje gjykimin e ka te pamundur!

Duke mos patur potencialisht idene e 3 kategorive logjike ajo pushon se qeni Gjykate!

Ja pra se si lind padrejtesisht nje pasoje pa shkak per arsyen e thjeshte se mungon gjykatesi!

Duke u perpjekur ti mohosh te drejten e ankimit personit ne gjykim ke ngritur akuzen ndaj vetes! Qe heret a vone do te shfaqet! Dhe do te gjykohet nga ata njerez qe kane cilesite qe sot ty i ashtuquajtur gjyqtar dhe prokuror te mungojne! G “, shkruan Gjokutaj./ CNA