web counter
LEXO PA REKLAMA!

SHKARKO APP

App Store
Google Play

Rritja e pagave ul numrin e punonjësve në ministri dhe institucione

31 Tetor 2023, 19:11, Aktualitet CNA
Rritja e pagave ul numrin e punonjësve në ministri dhe institucione
Foto ilustruese

Nisma e qeverisë për rritjen e pagave ka ulur numrin e punonjësve në ministri dhe në institucionet qendrore.

Kjo bëhet e ditur në draftin e dorëzuar në Kuvend për projekt-buxhetin për vitin 2024.

Në këtë draft thuhet se në organikë punojnë në total 85 206 persona, por nga ristrukturimi i çdo institucioni në kuadër reformës së pagave është pakësuar numri i punonjësve.

“Numri i përgjithshëm i punonjësve në organikë është 85 206 veta. Numri maksimal i punonjësve për çdo ministri dhe institucion qendror, i dhënë në tabelën 2, që i bashkëlidhet këtij ligji dhe është pjesë përbërëse e tij, detajohet nga ministritë dhe institucionet qendrore, në përputhje me strukturat e miratuara për çdo institucion varësie. Këshilli i Ministrave mund të rishpërndajë numrin e punonjësve ndërmjet institucioneve të përmendura në tabelën 2, që i bashkëlidhet këtij ligji, në rastin e ristrukturimit të institucioneve ekzistuese ose krijimit të institucioneve të reja.

Numri i punonjësve që nga ristrukturimi i çdo institucioni, i realizuar në kuadër reformës së pagave, rezulton i pakësuar në krahasim me atë të miratuar në tabelën 2, kalon në numrin rezervë të parashikuar në këtë tabelë dhe përdoret me vendim të Këshillit të Ministrave për krijimin e institucioneve/funksioneve të reja si dhe për strukturat e lidhura me negociatat dhe anëtarësimin në Bashkimin Evropian”, thuhet në projekt-buxhet.

Më tej theksohet se për vitin 2024 nuk miratohet asnjë ndryshim në strukturat organike të njësive të qeverisjes qendrore për shkak të rritjes së pagave, me përjashtim të institucioneve apo funksioneve të reja.

Ky përcaktim përfshin edhe ato struktura në të cilat paga për funksion jepet ose është sipas gradës përkatëse, ku çdo rritje në gradë do të bëhet efektive vetëm nëse nuk shoqërohet me efekte financiare shtesë në koston e përllogaritur sipas gradave të miratuara./ CNA





Lajmet e fundit nga