web counter
LEXO PA REKLAMA!

SHKARKO APP

App Store
Google Play

“Meta i frikësuar”/ Elezi: E di që SPAK do t’i trokasë në derë

31 Tetor 2023, 14:57, Aktualitet CNA

“Meta i frikësuar”/ Elezi: E di që SPAK do t’i

Ish-kandidati për kreun e PD-së, Ibsen Elezi, ka komentuar aksionet e SPAK-ut, arrestimin e Jamarbër Malltezit, si dhe akzuat për korrupsion ndaj ish-kryeministrit Sali Berisha.

Gjithashtu ai foli për reagimin e kreut të PL-së, Ilir Meta, i cili u shfaq ditën e sotme duke thënë se nuk ka asnjë fletëthirrje nga SPAK dhe se është i gatshëm të shkojë në Prokurorinë e Posaçme nëse thirret.

Elezi gjatë një interviste është shprehur se në fakt Meta është i frikësuar sepse e di që një ditë SPAK do t’i trokasë në derë.

“Mbas 30 viteve, opinioni publik ka perceptuar drejt se e gjithë klasa politike është bashkë. Çka do të thotë se ndodhin gjithë këto skandale dhe të mos ndëshkohet asnjë njeri, kjo tregon që në thelbin e tyre, ky sistem është një sistem që establishmenti i cili është i ndërlidhur ngushtë me njëri-tjetrin.

Ajo që shohim ne, maja e ajsbergut është pjesa e dukshme kur këto kanë ndërtuar retorikën e sulmit ndaj njëri – tjetrit dhe në themelin e tyre këto janë bashkë. Sulmi ndaj Edi Ramës, për të thënë që po sulmon Berishën, është sulmi me palidhje, sepse Edi Rama është më pak i interesuar për t’u dënuar Berisha dhe Meta.

Nuk e thonë dot që pas kësaj është Departamenti i Shtetit Amerikan. Pas shpalljes së 'non-grata'-s po ushtron gjithë trysninë e vet që këta të përballen me sistemin e drejtësisë. Unë nuk e di pse sistemi i drejtësisë ngutet, kanë gjithë kohën e duhur.

Çdokush në politikë që ka kryer aktin e korrupsionit që janë shumë, kanë filluar të frikësohet. Këto që janë sot në politikë janë futur thellë në krimin e korrupsionit.

Të gjithë janë të frikësuar dhe Meta tregoi një qëndrim të ekuilibruar për këtë arsye. Ai është i sigurtë që në një të ardhme të afërt SPAK do të trokasë në derën e tij.

Priten ende goditje në kabinetin e qeverisë Rama. Kjo situatë do të çojë shumë shpejt në një qeveri teknike”, tha Elezi./ CNA





Lajmet e fundit nga