LEXO PA REKLAMA!

SHKARKO APP

VIDEO-Bardhi, debate me Nikollën: Çfarë kam bërë që më ke përjashtuar

1 Nëntor 2023, 10:24, Aktualitet CNA

VIDEO-Bardhi, debate me Nikollën: Çfarë kam bërë

Kreu i grupit Parlamentar të PD-së, Gazment Bardhi, edhe pse është përjashtuar për 10 ditë nga parlamenti ka tentuar të marrë pjesë në mbledhjen e Konferencës së Kryetarëve. Kjo ka sjellë tensione dhe debate mes tij dhe kryeparlamentares Lindita Nikolla.

Bardhi i ka kërkuar llogari Nikollës mbi ç’bazë e ka përjashtuar nga parlamenti.

"Çfarë kam bërë që më ke përjashtuar?", i është drejtuar Bardhi, Nikollës, me tone të ashpra. 

Mëngjesin e së mërkurës deputetët e Partisë Demokratike nuk kanë lejuar që të fillojë mbledhja për Konferencën e Kryetarëve. 

Shkak është bërë përjashtimi i deputeteve të opozitës, pas tensioneve të krijuara në Kuvend ditën e hënë, si dhe mospërmbushja e 3 kërkesave kryesore.

Një ditë më parë, Komisioni i Etikës mori vendimin për përjashtimin me 10 ditë të deputetëve të Rithemelimit, konkretisht Bledion Nallbati, Flamur Noka, Edi Paloka, Albana Vokshi dhe Gazment Bardhi.

Ndërkohë me 3 ditë është përjashtuar Saimir Korreshi. Ndaj Lefter Gështenjës nuk është marrë masë disiplinore./ CNA

 

Lajmet e fundit nga