web counter
LEXO PA REKLAMA!

SHKARKO APP

App Store
Google Play

Zbulohet "burimi"/ Ku i ka marrë Veliaj 6 milionë euro për t’ia shtuar djegësit të Tiranës

15 Shtator 2023, 12:28, Aktualitet CNA

Zbulohet "burimi"/ Ku i ka marrë Veliaj 6 milionë euro

Ish-kryeministri Sali Berisha ka vijuar më tej akuzat ndaj kryetarit të bashkisë, Erion Veliaj, duke zbuluar se ku i ka marrë 6 milionë eurot që kërkon t’ia shtojë djegësit të Tiranës.

Sipas Berishës 430 milionë lekë i ka marrë nga arsimimi i fëmijëve dhe 130 milionë lekë ia ka hequr fondit të emergjencës.

“Nxin çdo ditë e më shumë monumenti i turpit, i amnistisë së Erion Veliajt. Sot ai kalon në Këshillin Bashkiak vendimin për 600 milionë lekë të tjera në kompaninë e tij me pronarë në letra Zoto dhe Mërtiri.

 6 milionë euro kalon ky mafioz duke zhvatur qytetarët me 29 euro/ton në një kohë kur kontrata parashikon 11 euro. Veliaj çdo ditë që kalon është një aktakuzë e rëndë për SKAP-in e partisë dhe kontrollin e tij nga Rama.

Këto 6 milionë euro ku i ka marrë, 430 milionë lekë i ka marrë nga arsimi i fëmijëve, zëri i arsimit në buxhet, i ka hequr.

130 milionë lekë ka hequr nga fondi i emergjencës, këtë do presësh ku SKAP-istët marrin përsipër krimin e shëmtuar.

Merr fondin e emergjencës dhe të fëmijëve dhe e çon në sipërmarrjen e tij”, tha Berisha./ CNA

 





Lajmet e fundit nga