web counter
LEXO PA REKLAMA!

SHKARKO APP

App Store
Google Play

Po sulmohet media apo po zbatohet ligji?

9 Gusht 2025, 11:48, Aktualitet CNA
Po sulmohet media apo po zbatohet ligji?
Burimi i fotos: LSA

Sot, institucionet shtetërore, Policia e Shtetit, strukturat e saj kanë shkruar dhe janë paraqitur në ambientet e “News 24”, të cilat ndodhen te godinat e ish-Uzinës së Autotraktorëve, që janë në pronësi të shtetit.


Ato janë shfrytëzuar për 20 vite nga Irfan Hysenbelliu dhe ish-pronari tjetër, Carlo Bollino. Kontrata ka përfunduar, çështja ka shkuar në gjykatë dhe ambientet duhet të lirohen.

Po sulmohet media apo po zbatohet ligji?
Vendimi i Gjykatës së Apelit

Pra, përtej represionit të medias siç po interpretohet dhe siç pritet të dëgjojmë fort këto ditë, nuk ka asnjë sulm ndaj medias. Shteti po shkon të marrë pronën e tij, që është me vendim gjykate.

 

Cili nga shqiptarët do ta lejonte pronën e tij të dhënë me qira, të ishte dikush dhe ta uzurponte dhe t’i thoshte tani do ta mbaj unë këtë? Ky është rasti me Irfan Hysenbelliun.

Ka marrë një pronë me qira, e ka përdorur. Ka deformuar dhe nuk ka zbatuar kontratën, pasi ka kryer ndërhyrje të pamiratuara me ligj. Ka shkuar në gjykatë, e ka humbur në të gjitha shkallët e gjykatës, nga e para tek e fundit dhe tashmë i është kërkuar të lirojë ambientin.

Irfan Hysenbelliu duhet ta lironte vetë atë ambient, por nuk pranoi pikërisht për të ndodhur ky incident. Pra, të shkaktonte një përplasje, që të bëhej mediatike dhe të shkonte në gjykatën ndërkombëtare të kërkojë para.

Në finale paratë i paguajnë qytetarët, në finale prona është e qytetarëve, prona është e shtetit. Pra, askush s’ka për të paguar asgjë për Irfan Hysenbelliun, sepse Irfan Hysenbelliu mund të shkonte ta çonte “News 24” kohë më parë në pronat e tij qindra milionëshe.

Shkon dhe blen hotele në Itali, miliona euro investime në Shqipëri, ka pallate pa fund. Mund të shkonte dhe të ndërtonte një kat për televizionin e tij, por donte të shfrytëzonte tokën e shtetit. Kërkonte ta mbante atë ambient që nesër të ndërtonte kulla. Kërkonte ta mbante atë ambient sepse ishte me një qira shumë të ulët.

Ashtu siç ka marrë ambientet ku ka vendosur Universitetin Luarasi, ish-konviktin e Gjuhëve të Huaja, që mund të ishte një ambient universiteti për Fakultetin e Historisë dhe Filologjisë. Por e ka marrë Irfani me qira qesharake për interesat e bizneseve të tij. Sepse edhe universiteti është një biznes privat i tiji.

 

Nga ana tjetër po quhet një sulm nga shteti ndaj Irfan Hysenbelliut. Jo, po zbatohet një vendim gjykate. Irfan Hysenbelliu është një biznesmen, ka prona, ka pasuri, të shkojë dhe ta vendosë televizionin në ambientet ku ka pronësi dhe të vazhdojë transmetimin.

Kontrata me shtetin ka mbaruar, e ka deformuar, e ka humbur në të gjitha vendimet e gjykatave dhe duhet ta lirojë. Por nuk e lironte sepse deri dje e mbante me oksigjen Erion Veliaj, i cili nuk e çonte policinë bashkiake të zbatonte ligjin. Apo i jepte frymë duke i thënë: mos ki merak lal se do ta zgjidhim nesër, mos ki merak lal se do ta zgjidhim pasnesër.

Erion Veliaj ka rënë, ndodhet në burg, por “News 24” nuk ka rënë për shkak të Erion Veliajt, “News 24” ekzistonte për shkak të tij, për sulmet personale të Irfan Hysenbelliut ndaj institucioneve, ndaj shtetit, për interesat e tij okulte dhe sot shteti ka shkuar dhe ka zbatuar ligjin.

Ajo pronë duhet liruar sepse është pronë e qytetarëve, është pronë e shtetit dhe është me vendim gjykate. Po zbatohet vendimi i gjykatës.

Irfan Hysenbelliu nuk është rast përjashtues. Ka shkelur ligjin, nuk ka zbatuar kontratën. Të ikë dhe ta çojë “News 24” dhe çdo media tjetër që ka në atë godinë tek ambientet e tij, të cilat i jep me qira dhe fiton qindra miliona lekë në vit.

Irfani pretendon se në këtë godinë ka dhe “TV Panoramën”, një televizion që nuk u bë kurrë i tillë. Më shpejt falimentoi sesa filloi transmetimin.

Thjesht brenda 24 orëve mund të shkojë në objektet e tij private, ta vendosë televizionin, të vendosë web-et, të vendosë redaksitë e radios dhe të vazhdojë punë i qetë.

Ajo pronë është diskutuar shumë, është raportuar dhe nga vetë Irfani, e ka humbur në gjykatë. Me vendim gjykate dhe po zbatohet ligji. Duhet të lirohej rreth 3 vite më parë, por nuk e ka liruar sepse nuk shkonte Erion Veliaj ta lironte.

Nuk i ka prerë kush sinjalin Irfan Hysenbelliut se ka bërë namin. Në fakt s’ka bërë asnjë nam, sepse Irfanin s’e kemi parë të denoncojë Erion Veliajn. Nuk e kemi dëgjuar të flasë për dosjen “5D”. Irfanin nuk e kemi dëgjuar të flasë për inceneratorët, përjashto rastin kur një gazetare specifike e tij, një njeri i lirë siç është Klodiana Lala, ia ka raportuar live.

Se emisione, investigime etj., nuk kemi parë tek Irfani. Pra, nuk kemi ndonjë fjalë të lirë të censuruar të Irfan Hysenbelliut, që të shqetësohet opozita. Kemi një censurë në një objekt që po përdoret në shkelje të ligjit dhe objekti po lirohet.

Censurën, autocensurën dhe broçkullat e tij Irfan Hysenbelliu mund të shkojë t’i bëjë ku t’i dojë qejfi, se prona ka plot dhe atje mund të vazhdojë të llomotisë sa të dojë.

Se edhe kur të shkojë te pronat e tij, prapë iso qeverisë ka për t’i mbajtur, se nuk është media e lirë, është kazan i pushtetit./ CNA

 

 





Lajmet e fundit nga