web counter
LEXO PA REKLAMA!

SHKARKO APP

App Store
Google Play

Trajtimi ‘çnjerëzor’/ Veliaj ‘qahet’ pse nuk takoi Mero Bazen dhe se nuk mori analizat

7 Gusht 2025, 18:26, Aktualitet CNA

Trajtimi ‘çnjerëzor’/ Veliaj ‘qahet’ pse nuk

Kryebashkiaku i arrestuar i Tiranës, Erion Veliaj mësohet të jetë ankuar se nuk i është dhënë dokumenti i analizave, përtej pretendimeve se ndaj tij ka pasur trajtim çnjerëzor, sipas Sali Berishës dhe Mero Bazes, të cilët kanë ngritur këtë pretendim për trajtimin ndaj Veliajt.

Sipas një televizioni kombëtar, që njihet për ortakërinë me inceneratorët dhe afërsinë me Qeverinë, si edhe shërbimet që i ka bërë kryebashkiakut Veliaj, ky ka qenë një pretendim i ngritur nga Veliaj tek komisionerët e Avokatit të Popullit. Detajet mbi pretendimet vijnë nga një televizion që del edhe nga përgjimet e publikuara nga CNA. 

Qartazi duket se nuk ka asnjë pretendim çnjerëzor. I vetmi pretendim i tillë që përmendet nga Veliaj lidhet me përgjigjet e analizave që ka bërë në datën 17 Korrik, ditë kur pretendohej se do të takonte edhe Mero Bazen.

Ndërkohë që ky i fundit ka deklaruar se nuk ka shkuar në Durrës, nga frika se mos e arrestonte Ulsi Manja. 

Ky është trajtimi ‘çnjerëzor’ që ka pësuar Veliaj, që e ka pranuar edhe vetë tek komisionerët e Avokatit të Popullit, pas kërkesave të bëra publikisht nga Berisha dhe Baze./CNA

 





Lajmet e fundit nga