E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Vlerësimi etik dhe profesional i prokurorëve/ KLP miraton ndryshime në rregullore, ja si ndahen pikët

6 Gusht 2025, 20:54, Aktualitet CNA

Vlerësimi etik dhe profesional i prokurorëve/ KLP miraton ndryshime

Këshilli i Lartë i Prokurorisë (KLP) ka miratuar një vendim për disa ndryshime në rregulloren për vlerësimin etik dhe profesional të prokurorëve.

Rregullorja:

Për një periudhë 3-vjeçare

Prokurorët që marrin pjesë deri në 5 ditë trajnimi do të marrin 5 pikë. Për pjesëmarrje nga 6 deri në 15 ditë, do të jepen 1.5 pikë për çdo ditë, por jo më shumë se 20 pikë. Për pjesëmarrje mbi 120 ditë, do të zbriten 1.5 pikë për çdo ditë.

Për një periudhë 5-vjeçare

Për pjesëmarrje deri në 5 ditë trajnimi do të merren 5 pikë. Për pjesëmarrje nga 6 deri në 30 ditë, do të jepen 0.66 pikë për çdo ditë. Pjesëmarrja mbi 200 ditë do të rezultojë me zbritjen e 0.66 pikë për çdo ditë.

Ndryshime ka edhe në pikëzimin për pjesëmarrjen në veprimtari ndërinstitucionale dhe marrëdhënie me publikun. Të gjithë prokurorët për këtë tregues do të vlerësohen me 5 pikë, pasi pjesëmarrja në këto aktivitete nuk varet gjithmonë nga vullneti i tyre. Megjithatë, ata që caktohen të marrin pjesë dhe nuk e bëjnë këtë pa shkaqe objektive, do të vlerësohen me 0 pikë.

Si bonus, prokurorët që marrin pjesë në këto veprimtari njëkohësisht me punën e tyre gjyqësore, do të përfitojnë 2 ditë shtesë në llogaritjen e pikëve për trajnime.

Vendimi:

"PËR MIRATIMIN E RREGULLORES “MBI ZHVILLIMIN E PROCEDURAVE PER RIVLERËSIMIN E SUBJEKTEVE NGA KËSHILLI I LARTË GJYQËSOR DHE KËSHILLI I LARTË I PROKURORISË"

Bazuar në nenet 149, pika 1, 149/a, pika 1, germa "e", 179/b dhe Aneksin "Rivlerësimi kalimtar i gjyqtarëve dhe prokurorëve", të Kushtetutës të Republikës së Shqipërisë, në Ligjin nr. 84/2016 "Për rivlerësimin kalimtar të gjyqtarëve dhe prokurorëve", në Ligjin nr. 44/2015, 'Kodi i Procedurave Administrative të Republikës së Shqipërisë", në Ligjin nr. 115/2016 “Për organet e qeverisjes së sistemit të drejtësisë”, i ndryshuar, në Ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, i ndryshuar, me propozim të Grupit të Punës sipas Urdhërit nr. 195, datë 16.12.2024, “Për përgatitjen dhe hartimin e planit të veprimit për çështjet e papërfunduara të rivlerësimit të prokurorëve nga Komisioni i Pavarur i Kualifikimit", të Kryetarit, Këshilli i Lartë i Prokurorisë.

2. VENDOSI: Miratimin e Rregullores "Mbi zhvillimin e procedurave për rivlerësimin e subjekteve nga Këshilli i Lartë Gjyqësor dhe Këshilli i Lartë i Prokurorisë", sipas tekstit bashkëlidhur.

Ky vendim hyn në fuqi në datën e botimit në Fletoren Zyrtare dhe publikohet në faqen zyrtare të internetit të Këshillit të Lartë të Prokurorisë./CNA