web counter
LEXO PA REKLAMA!

SHKARKO APP

App Store
Google Play

“Na ruajnë më shumë seç duhet”/ Meta dhe Veliaj ankohen te Avokati i Popullit

7 Gusht 2025, 18:43, Aktualitet CNA

“Na ruajnë më shumë seç duhet”/ Meta dhe

Veç kryebashkiakut të arrestuar të Tiranës, edhe kreu i Partisë së Lirisë Ilir Meta është ankuar nga qelia.

Të dy kanë shprehur ankesat e tyre, pas pretendimeve të ngritura nga Sali Berisha dhe Mero Baze për trajtimin ndaj tyre, e në fakt, të vetmit njerëz që kanë kërkuar publikisht që Veliaj dhe Meta të kenë më shumë të drejta dhe të trajtohen në mënyrë specifike, Veliaj, si i burgosur ordiner dhe Meta, si i burgosur politik.

Baze dhe Berisha janë shprehur se ndaj Veliajt ka pasur trajtim çnjerëzor, ndërsa për Metën se nuk duhet të ishte në burg e se është trajtuar në mënyrë negative.

Në fakt, i vetmi trajtim negativ i bërë ndaj Metës është arrestimi i tij nga Policia e Shtetit dhe Forcat Operacionale, pas vendimit të Gjykatës, ku edhe është dhunuar.

Trajtimi ‘çnjerëzor’ që i është bërë Veliajt është fakti se për ta mbrojtur më shumë sesa duhet e në mënyrë speciale, nuk i hodhën as prangat në ditën e arrestimit të tij, kur edhe e nxorrën na zyra, ndërsa Metën e tërhoqën zvarrë.

Të dy, shqetësimin më të madh kanë se ruhen nga shumë policë.

Veliaj, për faktin se e shoqëruan shumë punonjës të burgjeve kur shkoi në spital, ndërsa Meta se ka shumë policë kur del për ajrim.

Ky i dyti, e di shumë mirë arsyen që kontrollohet nga shumë policë, pasi para arrestimit të tij u pa se kishte probleme me sjelljen e tij.

Të njëjtën gjë bëri edhe Veliaj, edhe pse është lënë disi më i lirë sesa Meta dhe është trajtuar e vazhdon të trajtohet me benefite që të burgosur të tjerët nuk i kanë dhe nëse ka një mëkat, ky është ai i Ulsi Manjës./CNA

 





Lajmet e fundit nga