Çmimi i energjisë/ Konfindustria, kërkesë Kuvendit për seancë urgjente me ERE-n

27 Shtator 2022, 09:23, Aktualitet CNA

Konfindustria

Konfindustria i ka dërguar një kërkesë Kuvendit për çmimin e energjisë elektrike për familjarët që harxhojnë mbi 800 kWh në muaj.

Konfindustria kërkon që Kuvendi të thërrasë në një seancë plenarë urgjente Entin Rregullator të Energjisë (ERE).

Sipas konfindustrisë, ERE duhet të arsyetojë edhe menaxhimin e sistemit për vitin 2021 dhe 6 muajt e parë të 2022-shit.

“Konfindustria i kërkon Kuvendit të Shqipërisë të thërrasë në seancë urgjente dëgjimore Entin Rregullator të Energjisë/ERE, për të arsyetuar vendimin e fundit për fashën e konsumit të energjisë si edhe për problematikat e menaxhimit të sistemit për periudhën e vitit 2021 dhe 6-mujorin e parë të vitit 2022. ERE është institucion në varësi të drejtpërdrejtë të Kuvendit të Shqipërisë dhe është autoriteti ligjor rregullator i sistemit energjetik.

Eksperti: Kjo është pajisja që harxhon më shumë energji, gradojeni me kujdes
26 Shtator, 19:24

ERE e ka për detyrim ligjor të shpjegojë publikisht në mënyrë profesionale të hollësishme para Kuvendit të Shqipërisë arsyet financiare, teknike dhe institucionale të sistemit energjitik, që kanë çuar në pranimin e plotë dhe pa asnjë ndryshim nga ana e saj të propozimit të ekzekutivit për rritjen e fortë të çmimit të energjisë elektrike. ERE duhet të arsyetojë hollësisht lidhur me:- kostot mjaft të larta financiare të menaxhimit të operatorëve publikë KESH, OST, OSHEE, - kostot shtesë të shitje-blerjeve e energjisë elektrike nëpërmjet ndërmjetësve, - vazhdimin në nivele të larta të humbjeve në sistem me mbi 21% të sasisë së përgjithshme, - zbatimin e kontratave koncesionare të energjisë së prodhuar nga HEC- et private, - masat e marra nga OSHEE për moslejimin e abuzimit me matjet e konsumit me fasha etj., si faktorë përcaktues të vendimit për rritjen e fortë të çmimit të energjisë në shtator 2022. Sipas të dhënave, në vitin 2021 sistemi energjitik prodhoi 6,5% më shumë energji elektrike, sesa nevojat për konsum dhe vendi kaloi në krizë energjitike të shpallur nga Kryeministri Rama. Gjithashtu, prodhimi i përgjithshëm i brendshëm i energjisë elektrike ka tejkaluar ndjeshëm nevojat e klientëve tariforë për 6-mujorin e parë të vitit 2022 në vazhdim.

ERE miraton çmimin/ Sa do të paguajnë konsumatorët që harxhojnë mbi 800 kWh
23 Shtator, 16:53

Konfindustria vlerëson, se vendimi i ERE-së për rritjen me afër 5 herë e çmimit të energjisë elektrike për konsum familjar mbi fashën 800 KW/muaj do të jetë me pasoja të rënda për 90-130 mijë familje shqiptare dhe më ndikim të drejtëpërdrejtë në rëndimin e klimës së biznesit dhe ekonomisë kombëtare. Shqipëria, edhe pse është relativisht e pavarur në prodhimin e energjisë elektrike nga tregjet ndërkombëtare dhe gazi rus ka çmimet më të larta në rajon për biznesin dhe familjarët”, deklaroi Gjergj Buxhuku, administratori i Përgjithshëm i Konfindustrisë.

Ndërkohë, kujtojmë se nga 1 tetori familjarët që harxhojnë mbi 800 kWh do të paguajnë 42 lekë/kWh, duke përfshirë këtu edhe tarifën e transmetimit.

Kjo rritje e energjisë të aplikohet vetëm për periudhën tetor-dhjetor, ndërkohë që më pas do të ketë një vendimmarrje të dytë edhe në varësi të situatës meteorologjike./ B.A. – CNA.al