LEXO PA REKLAMA!

SHKARKO APP

ERE miraton çmimin/ Sa do të paguajnë konsumatorët që harxhojnë mbi 800 kWh

23 Shtator 2022, 16:52, Ekonomi CNA
ERE miraton çmimin/ Sa do të paguajnë konsumatorët që
Foto nga mbledhja e ERE

Enti Rregullator i Energjisë ka miratuar në mbledhjen e sotme propozimin e Furnizuesit të Shërbimit Universal (FSHU), për tarifën e re të energjisë elektrike.

Mësohet se nga 1 tetori konsumatorët që harxhojnë më shumë se 800 kWh do të paguajnë 42 lekë/kWh.

Konkretisht, tarifa për blerjen e energjisë është 35 lekë për kWh, plus 7 lekë tarifat e transmetimit.

FSHU kërkoi që kjo rritje e energjisë të aplikohet vetëm për periudhën tetor-dhjetor, ndërkohë që më pas do të ketë një vendimmarrje të dytë edhe në varësi të situatës meteorologjike.

“Bazuar në nevojën për të ardhura për shkak të rritjes së kostos së energjisë vlerësojmë se çmimi të jetë 42 lekë për kW/h për konsumin familjar mbi 800 kW/h në muaj rikuperon koston e blerjes së energjisë duke siguruar likuiditet të nevojshëm për FSHU, për garantimin e furnizimit me energji elektrike.

Bëhet e nevojshme që periudha e leximit periodik të matësit duhet të kryhet duke respektuar afatin prej 30 ditë kalendarike për klientët fundorë, me qëllim mbrojtjen e çdo klienti familjar nga çdo keq faturim i mundshëm. Për gjithë sa më sipër, kërkojmë miratimin e çmimit 42 lekë për kW/h orë për konsumin mbi 800 kW/h”, tha më herët në mbledhje përfaqësuesi i FSHU./ B.A. – CNA.al

Lajmet e fundit nga