web counter
LEXO PA REKLAMA!

SHKARKO APP

App Store
Google Play

Ankandi për energjinë e erës/ Çmim tavan 3 herë më të lartë se Karavastaja

18 Shtator 2022, 12:21, Ekonomi CNA

Ankandi për energjinë e erës/ Çmim tavan 3 herë

Qeveria nuk pret që çmimi i energjisë elektrike të bjerë në nivelin e para krizës. Ankandi i hapur për parqet eolike përcakton një çmim tavan tri herë më të lartë se ofertat e dy ankandeve të energjisë diellore të Karavastasë dhe Spitallës.

Çmimi tavan i vendosur në ankandin e hapur për parqet e prodhimit të energjisë nga era është 75 euro megavati. Në ankandet e hapura për parqet diellore të Karavastasë dhe të Spitallës, ky çmim ishte 55 euro.

Në të dyja këto ankande fituese u shpall kompania franceze Voltalia me ofertën për t’i shitur shtetit shqiptar 70 për qind të energjisë me çmim 25 euro megavati për Karavastanë dhe 30 euro megavati për Spitallën.

Enti Rregullator i Energjisë thotë në strategjinë e vitit 2019 për burimet e rinovueshme se çmimi tavan duhet të ketë si referencë çmimin e ankandit të fundit, që në këtë rast është ai i Spitallës.

Arsyeja e kësaj diference lidhet së pari me zhvillimet që kanë ndodhur në tregun e energjisë gjatë kësaj periudhe, ku çmimi i një megavati është 7-fishuar dhe së dyti kostoja e ndërtimit të parqeve eolike, që është më e lartë se ajo e parqeve diellore./Euronews





Lajmet e fundit nga