LEXO PA REKLAMA!

SHKARKO APP

Rama vijon fushatën për zgjedhjet vendore/ Kryeministri “derdh” paratë lumë me premtime

8 Shtator 2022, 09:30, Ekonomi CNA

Rama vijon fushatën për zgjedhjet vendore/ Kryeministri

Kryeministri Edi Rama, gjatë prezantimit të paketës antikrizë, ka folur për rritje pagash, rritje ndihme ekonomike.

Kur na ndajnë më pak se një vit nga zgjedhjet vendore dhe kur çmimet janë në stratosferë, kur borxhi publik është rritur, Rama del dhe premton rritje pagash.

Rama ka thënë se do të ketë një indeksim me 7.5% për personat me aftësi të kufizuara, do të rrisim me 10% ndihmën ekonomike, do ta dyfishojmë ndihmën për gratë kryefamiljare me dy fëmijë.
Si dhe të gjitha gratë kryefamiljare që janë në kushtet e papunësisë do të marrin një ndihmë ekonomike të dyfishuar.

“Do të vazhdojmë programin e rritjes së pagave siç është paralajmëruar për sektorët prioritarë me buxhetin dhe afatin e vitit të ardhshëm, pasi kemi rritur me efekt nga muaji korrik pagat për ushtarakët, mjekët, mësuesit, do t’i rrisim përsëri. Do të rrisim pagat për policinë e shtetit dhe për policinë e burgjeve. Rrisim pagën minimale nga 32 në 34 mijë lekë. Nuk do të ketë pagë më të ulët se 34 mijë lekë në RSH”, është shprehur Rama./CNA.al

Lajmet e fundit nga