LEXO PA REKLAMA!

SHKARKO APP

"Ndërtesat pa leje do të konfiskohen”/ Balluku: Do t’u jepen qytetarëve

7 Shtator 2022, 12:56, Ekonomi CNA

"Ndërtesat pa leje do të konfiskohen”/ Balluku: Do

Objektet e ndërtuara pa leje do të konfiskohen.

Kështu ka deklaruar sot, zëvendëskryeministrja Belinda Balluku pas mbledhjes së Qeverisë.

“Akti ka të bëjë me të gjitha ndërtesat pa leje në Shqipëri ose siç ka të bëjë me një trend të ndërtimit të shtesave mbi lejen e dhënë. Ky lloj trendi ka një lloj sjellje që pavarësisht se leja ka 7 kate i bëjmë dhe 3 kate për t’i legalizuar më pak. Kjo nuk do të lejohet më. Të gjitha këto ndërtesa, të cilat kanë këtë lloj specifike, do të konfiskohen për përdorim publik. Do t’i jepen si kompensim qytetarëve që preken nga projektet publike. I gjithë ky proces është një proces i gjatë i bazuar në ligj, që ka për qëllim dekurajimin e kompanive ndërtuese që të shkelin ligjin”, është shprehur Balluku.

Sipas saj, për çdo ndërtesë që rezulton se ka shkelur lejen ose çdo ndërtesë të ndërtuar pa leje do të këtë edhe një investigim për institucionet që kanë pasur për detyrë kontrollin e territorit.

“Nuk do të ketë tolerancë për asnjë nga ndërtuesit që kanë ndërtuar pa leje. Gjithçka që është ndërtuar pa leje do të kalojë në përfitim të popullit”, ka thënë Balluku./CNA.al

Lajmet e fundit nga