web counter
LEXO PA REKLAMA!

SHKARKO APP

Macron pret sot Ramën në Élysée/ Zbulohet arsyeja e takimit

22 Qershor 2026, 09:34, Aktualitet CNA

Macron pret sot Ramën në Élysée/ Zbulohet arsyeja e

Presidenti francez, Emmanuel Macron, do të presë sot në Pallatin Élysée, Kryeministrin Edi Rama, në një takim zyrtar që vjen në kuadër të dialogut të vazhdueshëm mes Parisit dhe Tiranës.

Vizita zhvillohet pas disa takimeve të mëparshme mes dy liderëve dhe synon të forcojë më tej marrëdhëniet dypalëshe, si dhe bashkëpunimin në procesin e integrimit europian të Shqipërisë.

Në qendër të diskutimeve pritet të jetë progresi i reformave të Shqipërisë në rrugën drejt anëtarësimit në Bashkimin Europian, ku Franca pritet të rikonfirmojë mbështetjen për avancimin e procesit, në përputhje me kriteret e unionit.

Takimi do të prekë gjithashtu zgjerimin e bashkëpunimit ekonomik dhe strategjik mes dy vendeve, përfshirë arsimin, energjinë dhe investimet franceze në Shqipëri.

Ndër projektet që pritet të diskutohen është edhe ndërtimi i një liceu francez në Korçë, si dhe programet e Agjencisë Franceze për Zhvillim në energji dhe mjedis.

Sipas agjendës, në orën 13:00 do të zhvillohet pritja zyrtare në oborrin e Pallatit Élysée, e hapur për mediat, ndërsa menjëherë pas saj do të vijojë një drekë pune me dyer të mbyllura mes dy delegacioneve./ CNA





Lajmet e fundit nga