E fundit!

12:26 Aktualitet

GJKKO rrëzon Veliajn/ Vijon të qëndrojë në kafazin e xhamit, seancat çdo javë dhe jo transmetim live

Gjykata e Posaçme, në seancën e sotme ndaj kryebashkiakut ...

Loja me “transparencën” për t’i ikur drejtësisë/ Pas Veliajt, edhe Meta kërkon të bëjë “show” në gjyq

25 Prill 2026, 12:18, Aktualitet CNA

Loja me “transparencën” për t’i ikur

Strategjia për të kthyer sallat e gjyqeve në studio televizive po kthehet në modën më të re të politikanëve që përballen me akuza të rënda nga SPAK-u. Këtë të shtunë, ish-presidenti Ilir Meta ka ndjekur hapat e kryebashkiakut Erion Veliaj, duke kërkuar zyrtarisht që procesi i tij në GJKKO, që nis këtë të hënë, më 27 prill, të transmetohet me regji qendrore dhe sinjal "live" për të gjitha mediat.

“Në funksion të informimit publik, të gjithë gazetarëve dhe mediave të interesuara duhet t'u garantohet sinjali i transmetimit live.

Transparenca përpara qytetarëve shqiptarë dhe llogaridhënia është detyrim për çdo institucion dhe çdo funksionar publik!” thotë Meta në kërkesën e bërë ndaj GJKKO-së.

Kjo kërkesë, e paketuar me termin "transparencë", fsheh të njëjtën tentativë për manipulim të opinionit publik që pamë pak ditë më parë me kryebashkiakun e Tiranës.

Ndërsa Veliaj përdor Gjykatën Administrative si platformë sulmi ndaj prokurorëve për të zhvendosur vëmendjen nga zvarritja 8-mujore e dosjes së tij penale, Meta po kërkon të kthejë procesin për korrupsion dhe pastrim parash në një tribunë politike.

Përdorimi i "transparencës" si mburojë vërteton se të dy personazhet, ndonëse në pole të ndryshme politike, ndajnë të njëjtin hall, frikën nga ballafaqimi me provat e dosjes.

Duke kërkuar kamera në sallë, ata synojnë të prodhojnë zhurmë mediatike dhe të delegjitimojnë institucionet e drejtësisë, duke e zhvendosur betejën nga argumentet ligjore te retorika e "persekutimit" politik.

Ky standard i ri që po tenton të imponojë politika, tregon qartë se as Meta dhe as Veliaj nuk kërkojnë drejtësi, por një podium për të bërë teatrin e radhës.

Kërkesa e tyre për transmetim "live" është asgjë më pak se një përpjekje për të mbizotëruar mbi procedurën penale përmes propagandës, duke shpresuar se zhurma e ekranit do të mbysë faktet që ndodhen në dosjet e SPAK-ut./ CNA