web counter
LEXO PA REKLAMA!

SHKARKO APP

App Store
Google Play

Mesazhi i Ferit Hoxhës/ Ministri i Maqedonisë së Veriut: Të kërkojë falje për ofendimet e bëra

24 Prill 2026, 22:50, Aktualitet CNA

Mesazhi i Ferit Hoxhës/ Ministri i Maqedonisë së Veriut: Të

Ministri i Ekonomisë dhe Punës i Maqedonisë së Veriut, Besar Durmishi ka reaguar lidhur me mesazhin e ministrit të Jashtëm, Ferit Hoxha që u publikua në media.

Në një postim në rrjetet sociale, ai shprehet se presin reagim dhe sqarim urgjent nga Tirana zyrtare, dhe se Hoxha duhet t’ju kërkojë shqiptarëve të Maqedonisë së Veriut që i ka quajtur “idiotë”.

Ndër të tjera ka cilësuar si zhgënjim heshtjen e ambasadorin shqiptar në Shkup, Denion Meidani.

Postimi i plotë:

Zhgënjyes dhe i papranueshëm fjalori i Ministrit të Jashtëm të Shqipërisë, z. Ferit Hoxha, i cili i quan shqiptarët e Maqedonisë së Veriut “idiotë”.

Presim reagim dhe sqarim urgjent nga Tirana zyrtare, ndërsa Ministri Hoxha duhet t’u kërkojë falje shqiptarëve të Maqedonisë së Veriut për ofendimet e bëra. Kjo lloj gjuhe shkel çdo kodeks etik e profesional dhe është skandaloze për një përfaqësues shteti.

I kujtojmë z. Hoxha se e ka obligim kushtetues të kujdeset për bashkëkombasit e vet që jetojnë jashtë kufijve të Shqipërisë.

Shqiptarët e Maqedonisë së Veriut nuk janë fqinj nga projekti i dashur i Tiranës zyrtare Open Balkan, por pjesë e pandashme e trungut kombëtar.

Në të njëjtën kohë, zhgënjen edhe heshtja e ambasadorit shqiptar në Shkup, z. Denion Meidani, i cili në vend se të reagojë ndaj fjalorit të tillë, ka zgjedhur ta bëjë zëdhënësin e disa partive politike në Maqedoninë e Veriut. /CNA

 





Lajmet e fundit nga