LEXO PA REKLAMA!

SHKARKO APP

Kanë gllabëruar rreth 170 milionë euro/ Inceneratorët dogjën vetëm 4.4% të mbetjeve për energji në 2022-shin

25 Shtator 2023, 17:09, Aktualitet CNA
Kanë gllabëruar rreth 170 milionë euro/ Inceneratorët
Foto ilustruese

INSTAT ka publikuar një raport në lidhje me menaxhimin e mbetjeve, të cilat kanë zbuluar fakte që vërtetojnë denoncimet për 3 inceneratorët.

Ndonëse njëri prej tyre nuk punon me pretekstin se është në remont, tjetri nuk ka përfunduar dhe i treti që nuk ekziston, inceneratorët kanë marrë rreth 170 milionë euro nga Qeveria shqiptare dhe biznesi privat.

Por ndërkohë që inceneratorët vazhdojnë të marrin para, të dhënat e INSTAT tregojnë se në fakt vetëm 4.4 për qind e mbetjeve u dogjën për energji nga inceneratorët.

Në vitin 2022, rezulton të jenë menaxhuar rreth 820.322 mijë tonë mbetje urbane, por inceneratorët trajtuan për të prodhuar energji më pak se 36 mijë tonë.

Kanë gllabëruar rreth 170 milionë euro/ Inceneratorët

Rreth 76,6 % e mbetjeve u depozituan në landfille dhe fusha mbetjesh, ndërsa 18,9 % u ricikluan.

Sipas Institutit të Statistikave, inceneratorët gjatë vitit 2021 kanë djegur vetëm 2% të mbetjeve për energji elektrike, ndërsa në vitin 2020 vetëm 1.1%.

Më tej, të dhënat tregojnë se sasia e mbetjeve urbane totale të menaxhuara në rang vendi ra vitin e shkuar. Nga mbi 1 milionë tonë gjatë vitit 2020 apo mbi 875 mijë tonë gjatë 2021-shit, vitin e shkuar u menaxhuan rreth 830 mijë tonë./ CNA

Lajmet e fundit nga