E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Mbi 37 vite burg/ Dënimet që do të vuajnë 8 të përfshirët në inceneratorin e Fierit

25 Shtator 2023, 12:29, Aktualitet CNA

Mbi 37 vite burg/ Dënimet që do të vuajnë 8 të

Inceneratorit i Fierit

Gjykata e Posaçme Kundër Korrupsionit dhe Krimit të Organizuar ka dënuar me 48 vite burg në total 8 nga 15 personat e akuzuar për aferën e inceneratorit të Fierit.

Por, në total 8 personat do të vuajnë vetëm 37.6 vite burg, pasi përfitojnë nga gjykimi i shkurtuar.

Të pafajshëm janë shpallur: Arben Dervishaj, Mbikëqyrësi i punimeve të inceneratorit, Juri Imeraj, administrator i kompanisë J.P.Y dhe Arjola Kodra, Administratore e Inceneratorit të Tiranës.

Dënimet:

Ish-ministri i Mjedisit, Lefter Koka, është dënuar me 10 vite burg nga GJKKO për aferën e inceneratorit të Fierit, por me gjykim të shkurtuar do të vuajë 6.8 vite burg.

Ish-deputeti i PS-së, Alqi Bllako, është dënuar me 4 vite burg, por me gjykim të shkurtuar do të vuajë 2.8 vite burg.

Klodian Zoto është dënuar me 11 vite burg, por me gjykim të shkurtuar do të dënohet me 8 vite burg.

Erjon Murataj, anëtar i komisionit të dhënies së koncesionit, dënohet me 3 vite burg, përfundimisht do të vuajë 2 vite burg.

Azem Shatëri, anëtar i komisionit të dhënies së koncesionit, 3 vite burg, me gjyq të shkurtuar, 2 vite burg.

Loran Dusha, administrator i Inceneratorit të Fierit, është dënuar me 7 vite burg, përfundimisht do të vuajë 4 vite e 8 muaj burg.

Arbër Denizi, administrator i PIVOT-04, dënohet me 7 vite burg, me gjyq të shkurtuar 4 vite e 8 muaj burg.

Florian Muçaj, anëtar i komisionit të dhënies së koncesionit, 3 vite burg, me gjyq të shkurtuar 2 vite burg! Lirohet nga burgu, i ka mbaruar dënimi

4 persona të tjetër iu është konvertuar dënimi në shërbim prove:

-Regan Merdani, Administrator i 'Froggy”sh.p.k, 3 vite burg (pezullohet dënimi) shërbim prove

-Gentian Zifla, Administrator i 'Itneg”sh.p.k 3 vite burg (pezullohet dënimi) shërbim prove
-Sabina Cenameri, anëtare e komisionit të dhënies së koncesionit, 3 vite burg (pezullim dënimi, ka një fëmijë të mitur) shërbim prove
-Pellumb Abeshi, ish-zyrtari i ministrisë së Mjedisit, është dënuar me 3 vite e 6 muaj vite burg, me gjyq të shkurtuar 2 vite e 4 muaj burg, përfundimisht me shërbim prove.