web counter
LEXO PA REKLAMA!

SHKARKO APP

App Store
Google Play

Sot në orën 19:00 homazhe te sheshi "Nënë Tereza" për Afrim Bunjakun

25 Shtator 2023, 09:38, Aktualitet CNA

Sot në orën 19:00 homazhe te sheshi "Nënë Tereza"

Sot në orën 19:00 do të zhvillohen homazhe në sheshin "Nënë Tereza" në Tiranë për Afrim Bunjakun, efektivin e Policisë së Kosovës që u vra dje nga një grup i armatosur në komunën e Lepasoviqit. 

Homazhet që pritet të zhvillohen ditën e sotme janë organizuar nga Shoqëria Civile. Pritet të ketë pjesëmarrje të qytetarëve dhe figurave politike. 

Sot në orën 19:00 homazhe te sheshi "Nënë Tereza"

Kush është Afrim Bunjaku?

Afrim Bunjaku është efektivi i Policisë së Kosovës që mbeti i vrarë në orët e para të kësaj të diele në një përplasje me një grup kriminelësh serbë prej 30 personash.

Bunjaku, së bashku me efektivë të tjerë të policisë u përballën me serbët e armatosur në Banjskë të Zveçanit.

Polici është me origjinë nga fshati Samadrexhë e Vushtrrisë. Ai është cilësuar nga miqtë dhe kolegët si një njeri i jashtëzakonshëm, me një karakter të fortë dhe një përkushtim të paepur ndaj detyrës së tij.  Ai punoi me përkushtim në detyrën zyrtare dhe dha kontribut të pazëvendësueshëm për policinë e Kosovës.

Afrim Bunjaku la pas 3 fëmijë, dy djem e një vajzë dhe familjen e tij, pasi ra në krye të detyrës, në mbrojtje të integritetit territorial dhe sovranitetit të vendit.

Para një jave, Bunjaku mori një titull mirenjohjeje për kontributin e dhënë në policinë e Kosovës.

Për vrasjen e efektivit ka pasur një sërë reagimesh dhe mesazhesh ngushëllimi. Presidentja e Kosovës shpalli të hënën ditë zie, në nderim të policit të vrarë./CNA

 

 





Lajmet e fundit nga