LEXO PA REKLAMA!

SHKARKO APP

Vrasja e policit/ Rama: Kambanë alarmi, thirrje komunitetit euroatlantik

24 Shtator 2023, 12:35, Aktualitet CNA

Vrasja e policit/ Rama: Kambanë alarmi, thirrje komunitetit euroatlantik

Kryeministri Edi Rama ka reaguar për vrasjen e policit në Leposaviq.

Numri një i qeverisë është shprehur se kjo është një kambanë alarmi për rrezikun e vazhdueshëm të eskalimit të krizës së zgjatur në një konflikt të armatosur.

Rama bën thirrje të mblidhet Komuniteti euroatlantik dhe të ulë në tryezë Kosovën dhe Serbinë.

Gjithashtu ka bërë thirrje për mbajtjen e një konference të jashtëzakonshme paqeje, nën mbikëqyrjen e garancinë e Bashkimit Evropian dhe Shteteve të Bashkuara, e njëkohësisht të merren masa të jashtëzakonshme me KFOR-in, për moslejimin e eskalimit të mëtejshëm të situatës.

“Tragjedia e humbjes së jetës së efektivit të Policisë së Kosovës është kambana më e madhe e alarmit deri më sot për rrezikun e vazhdueshëm të eskalimit të krizës së zgjatur në një konflikt të armatosur. Kriminelët që i morën jetën një njeriu të pafajshëm, i cili shërbente nën uniformën shtetërore të forcave të rendit të Republikës së Kosovës, duhet të dalin përpara drejtësisë.

Komuniteti euroatlantik duhet të mbledhë të gjithë forcën e tij imponuese dhe të ulë pa kthim, Kosovën dhe Serbinë në tryezën e Dialogut të Normalizimit.

Thirrja e një konference të jashtëzakonshme paqeje, nën mbikqyrjen e garancinë e Bashkimit Evropian dhe Shteteve të Bashkuara, e njëkohësisht marrja e të gjitha masave të jashtëzakonshme  me KFOR-in, për moslejimin e eskalimit të mëtejshëm të situatës, janë një domosdoshmëri strategjike jo vetëm për rendin e sigurinë në Kosovë sot, po edhe për paqen e të ardhmen e rajonit nesër, përpara sesa kriza e zgjatur në Veriun e Kosovës të dalë jashtë kontrollit e të kthehet në një zjarr destabilizues për krejt rajonin”, shkruan Rama./ CNA

Lajmet e fundit nga