E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Kukësi sërish e hodhi Saliun në batakun e humbësit/ Nga Spartak Ngjela

25 Shtator 2023, 11:56, Aktualitet CNA

Kukësi sërish e hodhi Saliun në batakun e humbësit/ Nga

Avokati Spartak Ngjela ka reaguar lidhur me rezultatin e zgjedhjeve në Kukës.

Sipas Ngjelës një gjë e tillë ishte e pritshme pasi kuksianët punojnë në Angli me shumicë dhe nuk mund të votonin për një njeri, i cili është "non grata" edhe në Angli edhe në Amerikë.

Por mund të kujtojmë që Berisha shprehet se njerëzit që kanë lobuar kundër tij kanë qenë të paguar nga Rama.

Ngjela shprehet se Kukësi sërish e hodhi Saliun në batakun e humbësit.

Postimi i plotë:

Kuksi sërish e hodhi Saliun në batakun e humbësit.

Ishte logjike: kuksianët punojnë në Angli me shumicë dhe mbajnë familjet këtu, për t'i nxjerrë nga varfëria.

Atëherë, si do të votonin ata për Saliun, i cili është nongrata edhe në Angli edhe në Amerikë?!

Po Partia Demokratike nuk e dinte këtë?

Nëse nuk e mbante mend, a u kujtua tani?

Si mund të ketë një parti të djathtë në Shqipëri që të jetë anti-amerikane?

Po jo vetëm kaq: përse do t'u duhej kuksianëve Saliu, për ato gënjeshtra që thotë, apo për ato që ka bërë.

Gjithsesi, kur Saliu është mbi 3000 vota mbrapa në Kukës, pyetja që duhet të ngrihet nga Partia Demokratike është kjo: ku mund të fitohet me Saliun në Shqipëri? dhe përgjigjja është e thjeshtë: Askund!

Atëherë?

Gjithçka do të flasë majtas. Dhe kjo do të vijojë ta dobësojë edhe më shumë të djathtën në Shqipëri.

Po Saliu nuk e kupton këtë?

Ashtu siç flet, me atë nivel logjik që po tregon, ka mundësi që edhe të mos e kuptojë.

Por, Saliu duket se po mendon që me Partinë Demokratike do të mundë Amerikën në Shqipëri. (!)

Domethënë që edhe Kosova, edhe Shqipëria të jenë pa mbrojtje kundër sllavëve.

Por ja, që, pikërisht kjo nuk mund të ndodhë.

Kurse nongrata duhet t'i bindet rregullave të lojës, se po e rëndon edhe më shumë pozitën e tij në Amerikë dhe në Bashkimin Evropian.

Kurse ka një aksiomë për kohën: I paafti nuk e ndryshon dot kohën e tij...

Domethënë, duhet t'i nënshtrohet asaj./ CNA