LEXO PA REKLAMA!

SHKARKO APP

App Store
Google Play

Gazetarja ngre dyshimet/ Rindërtimi është përdorur për pastrim parash

1 Qershor 2022, 21:07, Aktualitet CNA
Gazetarja ngre dyshimet/ Rindërtimi është përdorur për
Gazetarja Esmeralda Keta

Gazetarja Esmeralda Keta ka ngritur dyshime të forta, teksa ka folur mbrëmjen e sotme mbi kontratat mbi rindërtimin.

Duke iu referuar bisedave me ekspertët në terren, Keta tha në emisionin “Në Shënjestër” se rindërtimi është duke u përdorur për të pastruar para.

Si shembull, ajo përmendi projektin e Unazës së Madhe, ndërsa theksoi se akuzat nuk janë të vërtetuara ende.

“Nga takimet me ekspertë në terren, ata mendojnë se rindërtimi është përdorur për pastrim parash si Unaza e Madhe që u anulua pas zhurmës së madhe që u bë. Mund të jenë bërë bashkime operatorësh, por kjo nuk është vërtetuar. Marr si shembull kompaninë “Alesio 2014”, pasi pronari i saj është ekstraduar në Malin e Zi në lidhje me një dënim mbi trafik narkotikësh.

Kompani me vendim të formës së prerë mos marrin pjesë në garë, por kjo kompani ka marrë pjesë. Në çështjen e rindërtimit, ka disa tendera të dyshimte, janë shpallur fitues kur pronari është dënuar Bashkia Krujë, tenderi në qershor Alesio është shpallur fituese kur pronari i saj ishte i arrestuar në Malin e Zi për llogari të një shteti tjetër.

Kontrata tjetër e majmë në Tiranë në qershor 2021 por tenderi ishte hapur në shkurt 2001, para arrestimit, për pedonalen dhe zonën e 5 majit. Kompania është fituese janë lëvruar apo jo paratë është çështja kur nisin punimet.

A kanë në dorë bashkitë të verifikojnë të shkuarën e një kompanie veç dokumenteve standarde të dorëzuara nga kompanitë? Është detyrë e organeve të drejtën të nisin hetimet e të sinjalizojnë pushtetin lokal mbi këto persona”, theksoi gazetarja./ B.A. - CNA.al

Lajmet e fundit nga