LEXO PA REKLAMA!

SHKARKO APP

Foto-Banorët e prekur nga tërmeti, në harresë/ Igli Cara denoncon Bashkinë e Durrësit

30 Janar 2023, 11:31, Aktualitet CNA

Foto-Banorët e prekur nga tërmeti, në harresë/ Igli Cara

Kandidati i PD-së, Igli Cara, ka denoncuar papërgjegjshmërinë e Bashkisë së Durrësit, në lidhje me banorët, të cilëve u janë prekur shtëpitë nga tërmeti.

Sipas tij, të ngrirë në kohë ndihen banorët e ndërtesave të dëmtuara nga tërmeti, ende pa një zgjidhje, edhe sot e kësaj dite.

“Të dëmtuar, jo vetëm prej tërmetit por, edhe prej babëzisë për fitime të shpejta nga oligarkë e ndërtues me shpatulla të ngrohta prej 'vëllait' Kryeministër, duke ndërtuar jashtë çdo standardi.

Të lodhur e të munduar prej ecejakeve pa zgjidhje nëpër zyra të shtetit, prokurorisë dhe të Bashkisë, ku përballen me arrogancën, absurditetin, korrupsionin dhe paaftësinë endemike.

Me vështirësitë e mbylljes së muajit dhe një bonusi qiraje të pamjaftueshëm, me pasigurinë për fatin e familjeve të tyre.

Nuk janë të vetmit në Durrës, të cilët vuajnë në kurrizin e tyre papërgjeshmërinë e një qeverisjeje, që meriton të ndëshkohet me votën tonë, qytetarë të ndershëm dhe punëtorë të Durrësit dhe gjithë Shqipërisë!”, shkruan Cara në rrjete sociale./CNA.al

Lajmet e fundit nga