LEXO PA REKLAMA!

SHKARKO APP

Hysni Gurra ironizon Ramën/ “Takimi sekret” me shefin e madh të FBI-së

28 Janar 2023, 21:36, Aktualitet CNA
Hysni Gurra ironizon Ramën/ “Takimi sekret” me shefin e madh
Gazetari Hysni Gurra

Gazetari Hysni Gurra ka ironizuar kryeministrin Edi Rama, në lidhje me skandalin e fundit, arrestimin e ish zyrtarit të lartë të FBI-së, Charles McGonical dhe lidhjet e tij me të.

Përmes një reagimi në rrjetet sociale, Gurra shkruan se takimi mes tyre ka ndodhur, duke hamendësuar edhe “bisedën” që është bërë mes tyre.

"Sa i fshehtë paska qenë!

Nga burimet e mia të nëndheshme mora vesh që takimi me shefin e madh të FBI paska ndodhur.

Janë takuar nuk diskutohet.

Por, takimi ka qenë aq sekret sa për të nuk di gjë  asnjë strukturë shtetërore, as ambasada, as media, asnjë njeri, madje as vetë ai. Pus është pus në ruajtjen e konfidencialitetit. Atë që duket si i pa fre nga goja e bën për të na hedhur hi syve ne, si maskim.

Burimet më kanë vënë në dispozicion edhe një pjesë të shkurtër nga biseda të cilën po e sjell këtu:

Ai: Zotëri mirë se keni ardhur

McGonigal: Mirë se ju gjej kalorës i anglo-saksonizmit në këtë rajon.

Ai: Tani më dëgjo mua, se i di mirë unë këto punë. Kur do ta harrestoni?

McGonigall: Kë?

Ai: Zotëri mos m’u përgjigj mua me logjikë fshatari..

McGonigall: Kujt i thua fshatar ti, t’i vura hekurat

Ai: Jooo, nuk të thashë ty, thashë për Berishën

McGonigall: Plani dështoi, po na arreston ai ne.

Ai: Epo unë u kam thënë njerëzve që Çeçua ka biçak, ku e ke biçakun, nxire ta shoh unë…

McGonigall: Nuk është vendi këtu se jemi në restorant, kalojmë në parking", shkruan Gurra./ CNA.al

Lajmet e fundit nga