LEXO PA REKLAMA!

SHKARKO APP

Denoncimi për 114-vjeçaren/ Astrit Hado: Të moshuarës i është derdhur pensioni

27 Janar 2023, 18:47, Aktualitet CNA
Denoncimi për 114-vjeçaren/ Astrit Hado: Të moshuarës i
Drejtori i Sigurimeve Shoqërore, Astrit Hado

Drejtori i Sigurimeve Shoqërore, Astrit Hado ka reaguar lidhur me lajmin e publikuar në media se 114-vjeçarja Qamile Marra, e cila gëzon me shëndet të mirë, është çregjistruar nga gjendja civile.

Hado tha se ISSH ka kryer kontrollet dhe ka verifikuar se dje në Drejtorinë Rajonale të Sigurimeve Shoqërore të Beratit është gjeneruar pagesa.

Ai thekson se sot është kryer pagesa e pensionit të zonjës pranë banesës nga ana e Postës Shqiptare si agjent pagues.

“Nisur nga rasti i publikuar së fundmi në media në lidhje me zonjën Qamile Metan Marra e moshës 114 vjeçe, pensioniste, ju sqarojmë se:

ISSH, për çdo pagesë që kryen realizon dhe saktësinë e pagesave nëpërmjet kontrolleve të vazhdueshme. Bazuar në analizën e riskut, në mënyrë periodike strukturat rajonale kontrollojnë gjallesën e përfituesve mbi 100 vjeç nëpërmjet kontrollit dyfish, atë të statusit në regjistrin e shtetasve dhe kontaktimit fizik të përfituesve. Kjo edhe për faktin që të gjithë pensionistët mbi 100 vjeç, autorizojnë persona të tjerë për të tërhequr pensionin.

Në këtë kuadër është kryer edhe verifikimi për zonjën Qamile Marra dje në datën 26 Janar dhe nga ana e Drejtorisë Rajonale të Sigurimeve Shoqërore Berat po dje është gjeneruar pagesa. Sot në datën 27 janar është kryer pagesa e pensionit të zonjës pranë banesës nga ana e Postës Shqiptare si agjent pagues.

Theksojmë se vonesa në pagesën e pensionit të zonjës, për shkak të verifikimit, është 6 ditë dhe aludimet se pensioni është ndërprerë për shkak të moshës së lartë nuk janë të vërteta madje janë dashakeqe.

Instituti i Sigurimeve Shoqërore i uron jetë të gjatë zonjës Qamile dhe të gjithë pensionistëve përfitues dhe shpreh angazhimin për zbatimin me korrektësi të ligjit për pagesat dhe kontrollet e tyre”, deklaron Hado./ B.A. – CNA.al

Lajmet e fundit nga