LEXO PA REKLAMA!

SHKARKO APP

Gjergj Luca tallet me Presidentin/ Lutja për Isamil Kadarenë

28 Janar 2023, 16:12, Aktualitet CNA
Gjergj Luca tallet me Presidentin/ Lutja për Isamil Kadarenë
Biznesmeni dhe sipërmarrësi, Gjergj Luca

Biznesmeni dhe sipërmarrësi, Gjergj Luca, ka uruar sot mjeshtrin e penës shqiptare, Ismail Kadarenë, në 86 vjetorin e tij të lindjes.

Luca njihet për mesazhet thumbuese që shpesh herë i drejton politikës. Këtë herë në shënjestrën e tij ka qenë presidenti Bajram Begaj.

Luca në mesazhin e tij, përcjell mesazhin se njerëzit që i kushtohen punës dhe investojnë për Shqipërinë në mënyrën më të mirë të mundshme, janë ata që marrin shumë më pak seç meritojnë.

“Sot kemi datëlindjen e një burri shumë të madh, e një kalorësi të legjionit të nderit të Francës, e një kalorësi të legjinoit të nderit të integrimit të Shqipërisë në komunitetin europian, të një burri të madh të Shqipërisë, të një burri që na ka inspiruar me shpirtin e tij, me fjalët e tij, të gjithë zemrat e shqiptarëve, na ka bërë krenar kudo ku ne kemi shkuar. Ky burrë e ka emrin Ismail Kadare , i madhi Ismail Kadare. Që me të thënë të drejtën nuk ka ngelur cep i botës pa e thirrur, pa e respektuar, pa e dekoruar dhe këto kanaçet tona, nuk ka pranuar kurrë ti marri këto dekotat e famshme të personaliteteve tona të mëdha, që ne i bëjmë president”, thotë Luca.

Ndër të tjera mesazhin e tij dhe urimin e mbyll me një lutje për shkrimtarin e madh Kadarenë.

“Unë do t’i lutem me gjithë shpirt këtij njeriu, këtij njeriu që ne na motivon, që ne na bën të ndihemi krenar. Pranoje një titull nga njerëzit e punës, pranoje një titull nga njerëzit që e duan këtë vend, pranoje një titull që ne e kemi me motivacion për burrat dhe njerëzit që puna është e vërteta e tyre dhe e vërteta e tyre është dashuria, është pasioni dhe këmbëngulja që ne duam të bëjmë për Shqiëprinë. Edhe 100 Isamil”, është shprehur Luca./ CNA.al

Lajmet e fundit nga