LEXO PA REKLAMA!

SHKARKO APP

Kamerat, si armët e grupeve kriminale/ PL sulmon Policinë

29 Janar 2023, 14:38, Aktualitet CNA

Kamerat, si armët e grupeve kriminale/ PL sulmon Policinë

Nënkryetarja e Partisë së Lirisë, Floida Kërpaçi, në një dalje për mediat ka folur për blindimin e e qyteteve me kamera nga grupet kriminale.

Sipas saj, fakti skandaloz i përgjimit me kamera të territorit haptas nga krimi ka marrë dimensione tronditëse.

“Në dhjetëra bashki të vendit janë evidentuar qindra kamera të paautorizuara dhe në shërbim të grupeve kriminale.

Realisht krimi ka pasur nën kontroll të plotë Policinë e Shtetit dhe veprimtarinë saj në terren.

Për vite me radhë kjo veprimtari ka vazhduar e pashqetësuar sepse policia kishte prioritet të përgjonte,  monitoronte dhe dhunonte opozitën dhe qytetarët e thjeshtë dhe jo të vepronte ndaj grupeve kriminale”, është shprehur ajo.

Më tej Kërpaçi ka sulmuar Policinë dhe Qeverinë me argumentin se veprojnë me dy standarde.

“Policia që shikon edhe një fshatar që shet një trastë domate e dy tufa majdanoz apo që nuk i shpëton një riparim çezme në një banesë qytetari, nuk paska parë qindra kamera anembanë vendit që haptas mbështesnin veprimtarinë kriminale dhe trafiqet e çdo lloji.

Qeveria që mbante me rroga patronazhistët dhe kishte merak të merrte vesh gjithçka mbi qytetarët dhe përfaqësuesit e opozitës bënte sikur nuk e shikonte që grupet kriminale kishin në kontroll policinë në një kohë që duhet të ndodhte krejt e kundërta.

Sot kjo situatë skandaloze është shumë e qartë dhe faktet po provojnë gjithçka që opozita ka ngritur me forcë për kapjen totale të shtetit nga Rama dhe rilindja.

E vetmja përgjigje për këtë shtet të kapur është vota masive e qytetarëve.

14 maji është momenti kur do të realizohet ndryshimi me çdo çmim dhe kur shteti do t'u kthehet më në fund qytetarëve dhe do të punojë për ta dhe jo për trafikantët, të korruptuarit dhe kriminelë”, është shprehur Kërpaçi./CNA.al

Lajmet e fundit nga