web counter
LEXO PA REKLAMA!

SHKARKO APP

App Store
Google Play

E fundit!

x

Si po përdoren banorët e Bërxullit për shantazh e gjobëvënie/ E vërteta që fshihet

29 Janar 2023, 12:23, Aktualitet CNA

Si po përdoren banorët e Bërxullit për shantazh e

Aksi rrugor Thumanë-Kashar do të ndërtohet me koncesion dhënë nga qeveria shqiptare, ndërsa punimet në të gjitha lotet e tij parashikohet të mbyllen brenda 36 muajve.

Një aks rrugor, i cili është pjesë e korridorit blu dhe kalon përgjatë gjithë vijës bregdetare të Shqipërisë.

Punimet për ndërtimin e këtij aksi kanë filluar prej muajsh, por ato bllokohen dhe tentohen të merren peng nga një pakicë banorësh në Bërxull.

Si po përdoren banorët e Bërxullit për shantazh e

Banorët po keqpërdoren djallëzisht nga disa media për gjobëvënie dhe shantazh, duke e shitur çështjen ndryshe për ndryshe dhe duke fshehur të vërtetën. Disa prej tyre hapnin lajme me ditë me radhë, të tjerat sot thonë se po bëhen name, por në fakt qëllimet janë krejt të tjera.

E vërteta që fshihet pas protestave

E vërteta është se banorët duhet të shpronësohen nga Qeveria, sipas hartës së çmimeve që publikon Ministria e Drejtësisë. Kjo hartë çmimesh përcakton vlerat e tregut në minimumin e tyre dhe përdoret në transaksionet e shitblerjeve të pronave të paluajtshme.

Pronarët e trojeve, tokave bujqësore apo banesave do të marrin paratë për pronën e tyre, që do t’ua zërë aksi rrugor Thumanë-Kashar.

Në vonesë të këtyre dëshmpërblimeve që ndodhin zakonisht nga qeveria për shkak të procedurave burokratike dhe mungesës së fondeve, kompania koncensionare për të mos penguar punimet dhe vonuar zbatimin e projektit, u ka ofruar banorëve paratë e shpronësimit sipas vlerave të miratuara me ligj.

Gati 90 për qind e banorëve, me anë të certifikatës së pronësisë dhe një akti të noterizuar mes palëve, kanë marrë paratë ose janë në proces për të marrë paratë nga kompania koncensionare.

Pronarët që pretendojnë se pronat e tyre kushtojnë më shumë sesa vlerat e përcaktuara në ligj, kanë edhe një rrugë tjetër, mund t’i drejtohen gjykatës, për çmimin e përcaktuar nga shteti, atë nuk e përcakton dot koncensionari.

Ndërkohë, një grup i vogël i banorëve, sa në pamjet filmike duken 10 apo 15 nga disa qindra familje që janë shpronësuar, kanë rënë në kurthin e disa mediave dhe po përdoren si ping-pong, për interesa të caktuara korruptive, duke tentuar për të mbajtur avancimin dhe rritmin e lartë të punimeve të aksit Thumanë-Kashar.

E vërteta është se banorët e Bërxullit, pronat e të cilëve preken nga ndërtimi i rrugës, mbi 90% e tyre kanë marrë paratë e shpronësimit nga kompania koncensionare.

Ndërsa për shantazh dhe gjobëvënie nga media, janë marrë peng një grup i vogël banorësh, të cilët në vend që të marrin paratë nxirren në rrugë për t’u përplasur me policinë./CNA.al





Lajmet e fundit nga