web counter
LEXO PA REKLAMA!

SHKARKO APP

App Store
Google Play

E fundit!

x

FNSH dhe RENEA “blindojnë” parlamentin/ Zbardhet plani i policisë, masat për protestën e opozitës

13 Shkurt 2023, 09:28, Aktualitet CNA
FNSH dhe RENEA “blindojnë” parlamentin/ Zbardhet plani i
Foto ilustruese

Opozita do të protestojë sërish sot, në orën 17:00 para parlamentit, ku pritet të zhvillohet edhe seanca plenare.

Sipas "Euronews Albania", policia ka marrë masa për mbarëvajtjen e protestës. Sipas të dhënave, pritet një kordon policor që do të qëndrojë para protestuesve.

Të pranishëm do të jenë forcat e FNSH-së, RENEA-s dhe punonjës të gardës që do të vëzhgojnë protestën.

Forcat e Ndërhyrjes së Shpejtë do të ndahen në tri pjesë, ku një pjesë do vendosen në bulevardin “Zhan d'Ark”, pjesa tjetër brenda rrethimit të xhamisë së Namazgjasë, dhe një pjesë tjetër brenda ambienteve të parlamentit, ku aty pritet të vendosen dhe autobotë me ujë, që në rast përshkallëzimi të bëhet shpërndarja e turmës. Të gjithë punonjësit do  jenë të pajisur me maska kundërgaz.

Policia do marrë masa edhe për bllokimin e rrugëve, ku rreth orës 15:00 do ketë kufizime në qarkullimit në rrugën “Xhorxh Bush” dhe pjesërisht në bulevardin “Zhan d'Ark”, por edhe një pjesë e rrugës së "Elbasanit". Forca policore do ketë edhe në kryeministri./ CNA.al





Lajmet e fundit nga