LEXO PA REKLAMA!

SHKARKO APP

Debatet dhe tensionet për Reformën Zgjedhore/ Spahiu: Shqiptarët e dinë kush i fiton zgjedhjet

20 Janar 2024, 21:33, Aktualitet CNA
Debatet dhe tensionet për Reformën Zgjedhore/ Spahiu: Shqiptarët
Analisti Kreshnik Spahiu

Analisti Kreshnik Spahiu ka komentuar debatet dhe tensionet e fundit për komisionin e Reformës Zgjedhore.

Gjatë një interviste analisti i ka konsideruar të kota këto debate pasi çdo shqiptar e di se si do të jenë rezultatet e zgjedhjeve të vitit 2025.

Ai shtoi se e vetmja gjë që mund të sillte ndryshimin në Shqipëri është vota e emigrantëve, të cilën sipas tij, aktorët e vjetër politik nuk e miratojnë, për shkak se nëse do e bënin sipas tij, do të bënin vetëvrasje politike.

“Nuk ka asnjë thirrje nga faktori ndërkombëtar për këtë, nuk janë bërë pjesë e një tryeze për reformë zgjedhore, për një arsye të thjeshtë, sepse çfarëdo që të ndryshojë në kodin elektoral, çdo shqiptar dhe çdo i huaj e di kush do të jetë rezultati i zgjedhjeve të vitit 2025.

Prandaj kot sa lodhet dikush që mund të shpresojë se një ndryshim në ligj mund të sjellë ndryshimin e rezultatit. Unë mendoj se Shqipëria është e papërgatitur sot.

Ajo që mund të sillte ndryshimin e madh zgjedhor, që janë 1 milionë e gjysmë emigrantë që këta nuk ua miratojnë të drejtën e votës, sepse këta vetë ua kanë hequr të drejtën e votës. Berisha-Meta-Rama. Nëse do e bënin do të ishte një vetëvrasje politike për të tre. Mendoj që ajo muzika, violina e vjetër për Reformë Zgjedhore, nuk është gjë tjetër veçse humbje kohe”, tha Spahiu./ CNA

 

Lajmet e fundit nga