LEXO PA REKLAMA!

SHKARKO APP

“Paralizimi” i aksit Librazhd-Qafë Thanë/ Policia merr masa, bllokohet lëvizja e mjeteve të tonazhit të rëndë

20 Janar 2024, 17:22, Aktualitet CNA
“Paralizimi” i aksit Librazhd-Qafë Thanë/ Policia merr
Policia Elbasan

Për shkak të rënies së reshjeve të dëborës, strukturat e Drejtorisë Vendore të Policisë Elbasan, kanë rritur prezencën e shërbimeve të Policisë në të gjitha akset rrugore urbane e rurale, me qëllim për t'iu ardhur në ndihmë dhe këshilluar drejtuesit e mjeteve.

Aksi rrugor "Librazhd-Qafë thanë" është përfshirë nga reshjet e dëborës, dhe aktualisht lëvizja e automjeve kryhet vetëm me zinxhirë.

Ndërkohë, në këtë aks rrugor është bllokuar lëvizja e mjeteve të tonazhit të rëndë.

Njëkohësisht, shërbimet e Policisë janë në kontakt të pandërprerë më përfaqësuesit e pushtetit vendor, emergjencat civile dhe kryetarët e fshatrave, me qëllim monitorimin e situatës dhe ndërhyrjen në kohë, në rast nevoje. 

Policia e Elbasanit apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të mos qarkullojnë pa goma dimërore e zinxhirë dhe të ndjekin udhëzimet e shërbimeve në terren./ CNA

“Paralizimi” i aksit Librazhd-Qafë Thanë/ Policia merr

“Paralizimi” i aksit Librazhd-Qafë Thanë/ Policia merr

Lajmet e fundit nga