Carlo Bollino nuk bëhet dot Pandi Gjiza!

22 Maj 2023, 14:40, Aktualitet CNA

Carlo Bollino nuk bëhet dot Pandi Gjiza!

Foto ilustruese

Pandi Gjiza është një personazh ikonik në qytetin e Korçës, ndoshta një nga tifozët më të flaktë në të gjithë Shqipërinë.

Me thinjat e tij të ngritura përpjetë dhe me zërin kumbues e shikoje rrugëve të Korçës apo rreth lokaleve sa herë ekipi i Skënderbeut kishte ndeshje.

Nuk kishte rëndësi volejboll, basketboll apo futboll, Pandi gjithmonë bërtiste me zërin e tij si të ishte një tellall i paguar për të njoftuar tifozët se po vinte ndeshja e radhës e më pas njoftonte edhe rezultatet.

Një njeri i vuajtur, i varfër, por fisnik. Një fotografi ikonike e Eliano Kalemit e tregon fisnikërinë e Pandi Gjizës që u largua nga kjo jetë i varfër, i nderuar dhe i respektuar. Nuk ishte shërbëtori i askujt. Ishte shërbëtor i qytetarëve, i pasionit të tij.

Por dikush kërkon t’i gjejë një sinonim apo një njejës Pandi Gjizës, është vështirë të gjendet një i tillë, por një i kundërt është kollaj.

Është Carlo Bollino, botuesi i “Shqiptarja.com” dhe “Report TV”-së, njeriu që strehon gazetarë, të cilët fshihen pas portalesh anonimë. Ia filmojnë, me audio, së shpejti do të ketë dhe video, por Carlo nuk i dorëzon “banditët e tij mediatikë”. I përdor por i mohon. I paguan dhe i rruan.

Carlo Bollino si fjalë e lirë/ Si ka përfituar nga paratë e shqiptarëve dhe koncesionet qeveritare
6 Shkurt, 19:52

Jo vetëm kaq!

Carlo është një tellall, ashtu si Pandi Gjiza, por ndryshe nga ai i pari, se ishte i ndershëm, e bënte për qytetarët, kurse Carlo merr koncensione nga qeveria dhe bën tellallin mediatik duke mbrojtur dhe korrupsionin e inceneratorëve etj. etj

Është një tellall i rilindjes, është një papagall i Partisë Socialiste dhe më shumë sesa një gazetar i ndershëm dhe i paanshëm, është një shërbëtor i paepur, një ZP-ist, ndoshta si një propagandist i kohëve të diktaturës që flisnin për sukseset e partisë.

Kështu shihet Carlo Bollino sot.

Njeriu që fiton koncensione nga qeveria, që ndërton në televizion pasi firmosen tri VKM të ndryshme për Carlo-n. Merr koncensione, para publike, krijon kompani, përfshihet në skandale, akuzohet dhe si i tillë nuk është gjë tjetër thjesht dhe veç e kundërta e Pandit të ndershëm korçar që thërriste për qytetarët, kurse Carlo thërret dhe bërtet për interesat e tij dhe më shumë sesa një gazetar është një biznesmen në xhepat e qeverisë./CNA.al