web counter
LEXO PA REKLAMA!

SHKARKO APP

App Store
Google Play

50-vjetori i Revoltës së Spaçit/ Begaj: Le të ndërtojmë ura mirëkuptimi për një të ardhme më të mirë

21 Maj 2023, 14:10, Aktualitet CNA

50-vjetori i Revoltës së Spaçit/ Begaj: Le të

Me rastin e organizimit në kuadër të 50-vjetorit të Revoltës së Spaçit nga Dioqeza Rrëshenit në bashkëpunim me Bashkinë Mirditë, Presidenti Bajram Begaj i shoqëruar nga Zonja e Parë Armanda Begaj vizituan burgun e Spaçit.

Begaj bëri thirrje për mirëkuptim e ndjeshmëri për një të ardhme sa më të mirë së bashku, duke marrë shkas nga e shkuara.

"Le të ndërtojmë ura mirëkuptimi, dhembshurie dhe ndjeshmërie, duke e ditur se nëpërmjet këtyre lidhjeve shpirtërore ne mund të krijojmë një të ardhme më të ndritshme për brezat që do të vijnë. Por ta fillojmë këtë duke u bërë të vetëdijshëm për të shkuarën tonë e duke ndarë moralisht të mirën nga e keqja. Çka është më e rendësishme të ndërtojmë të ardhmen, duke kërkuar falje për gabimet e të shkuarës, e duke u shkëputur tërësisht nga hija e periudhës më të errët të kombit tonë."

Presidenti Begaj shprehu mirënjohjen dhe vlerësimin për kontributin e tyre të pashlyeshëm për shoqërinë duke përcjellë virtyte dhe qëndrueshmëri.

"Dua të shpreh respektin dhe mirënjohjen e thellë për të gjithë martirët e kësaj revolte. Në këtë ditë të shënuar historike, të mbijetuarit e Revoltës së Spaçit janë shembulli më i mirë se, pavarësisht gjithë vuajtjes që kanë përjetuar, ata përçojnë tolerancë, mençuri, shpresë dhe mirësi. Për këtë, e për gjithë betejat tuaja, shoqëria jonë ju ka një borxh të madh", mbylli fjalën e tij Presidenti./ CNA.al





Lajmet e fundit nga