web counter
LEXO PA REKLAMA!

SHKARKO APP

App Store
Google Play

E fundit!

x

Carlo Bollino: Po më sulmojnë për “Prapaskenën” e gjobave

10 Shkurt 2023, 20:25, Aktualitet CNA
Carlo Bollino: Po më sulmojnë për “Prapaskenën”
Carlo Bollino, gazetar

Carlo Bollino, në një shkrim në median e tij ka ngritur pretendime se, po akuzohet dhe sulmohet në lidhje me pronësinë e portalit “Prapaskena”. Në sqarimin, përmes një artikulli Bollino shkruan se, këto janë shpifje dhe se këtë legjendë e dinë dhe shumë biznesmenë, politikanë, ministra e ministre.

“Prej disa muajsh, me zë apo nën zë, më “akuzojnë” si pronar të një portali me emrin “Prapaskena”. Kjo është një shpifje që nisi fillimisht nga një biznesmen dashakeq, por tashmë, siç shpesh ndodh me admirimin e thashethemit në Shqipëri, kjo e pavërtetë është përhapur edhe mes shumë biznesmenësh, politikanësh, ministra e ministre”, shkruan Carlo Bollino.

Në hyrje të shkrimit të tij shkruan se janë shpifje ato që thuhen, megjithëse aty reklamohen gazetarë që punojnë e paguhen nga Carlo.

Në fakt nuk ka akuza dhe sulme ndaj tij. Ne si CNA kemi nxjerrë disa VKM ku tregohet se si qeveria i ka dhënë Carlo Bollinos disa prona me qira me 1 euro. Janë VKM që në të ardhmen mund të rishihen apo ndryshohen me Ligj në Kuvend, por sot ai ka nën administrim pronat dhe vazhdon shërbimin ndaj pushtetit të Rilindjes.

Më tej në shkrim Bollino shton se “Prapaskena” dhe pronari i saj janë një makineri për të prodhuar gjoba, kriminelë të informacionit.

“Prapaskena dhe pronari i saj janë një makineri për të prodhuar gjoba, kriminelë të informacionit”, e përmbyll shkrimin e tij Bollino.

Në fund kemi dy pyetje publike për zotin Bollino si gazetar me mbi 40 vite eksperiencë:

-Kush po të sulmon?

-Pse nuk thonë e ka Saliu, Luli, Meta, Rama, Mero, Fuga, PS, PD, LSI por të akuzojnë ty?/ CNA.al





Lajmet e fundit nga