web counter
LEXO PA REKLAMA!

SHKARKO APP

App Store
Google Play

McGonigal sipas Carlos & Co, akuzës dhe medias amerikane

6 Shkurt 2023, 20:07, Opinione Hysni Gurra
McGonigal sipas Carlos & Co, akuzës dhe medias amerikane
Carlo Bollino

Për Carlon dhe bodigardët mediatikë të Kryeministrit, skandali McGonigal - Rama është një çështje që nuk ka lidhje me Shqipërinë.

Për Carlon & Co, nuk ka asnjë akuzë për Kryeminstrin. Carlos që qëmton çdo detaj për të larë m** me sh****, nuk i shkon në mend se pa Kryeministrin, personin A dhe Personin B, nuk ka çështje në Uashington për McGonigal. Për Carlon & Co në akuzë nuk përmendet Personi B, këshilltari pa pagesë i KM që ka paguar (mesa duket nga kursimet familjare) dëshmitarët në Europë kundër lobistit të opozitës.

Carlo sheh qimen në syrin e opozitës dhe nuk sheh traun në sytë e Kryeministrit. Fakti që media ndërkombëtare dhe ajo amerikane po merren edhe pas dy javësh me këtë skandal, nuk është fakt për Carlo & Co. Fakt për Carlon është se Berisha dhe Meta po bëjnë inkuzion. Po i bien në qafë Kryeministrit.

Akuza e prokurorëve amerikanë është e thjeshtë, e qartë dhe nuk lë më dyshime për intepretime. Për akuzën miqësia e McGonigal me Ramën është e dyshimtë sepse as nuk është raportuar. Për akuzën e prokurorëve amerikanë McGonigal është nxitur të hapë një çështje penale ndaj lobistit të opozitës me informacionet e personit A të përcjella nga zyra e Kryeministrit. Sipas akuzës, është këshilltari i Ramës që ka paguar shpenzimet e dëshmitarëve për këtë çështje.

Media amerikane ka sqaruar se si nisi kjo çështje. “Bussiness Insider” sqaron se një ditë të vjeshtës së tretë, agjentët federal trokitën në derën e shtëpisë së ish të dashurës së McGonigal dhe i treguan foton e ish të dashurit me kryeministrin Rama. Por sigurisht për Carlo & Co kjo nuk ka pikë rëndësie. Për ta ka rëndësi që nuk ka akuzë për Kryeministrin, pavarësisht se është hetuar prej më shumë se një viti.

Populli shqiptar thotë: “nuk mbulohet dielli me shoshë”. Por populli italian ka një fjalë tjetër të urtë: “dica il mondo quel che vuole alla fine sono parole”… “Le të thotë bota ç’të dojë, në fund të fundit llafe janë…"





Lajmet e fundit nga