E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Po të ishte dorëzuar Sali Berisha/ Çfarë do të ishte Shqipëria sot

4 Shkurt 2023, 12:52, Opinione Hysni Gurra

Po të ishte dorëzuar Sali Berisha/ Çfarë do të ishte

Nëse Sali Berisha nuk do të ishte ky karakter njerëzor dhe ky karakter politik që është, i cili nuk dorëzohet, nuk trembet, nuk shantazhohet…si do ishte situata politike sot?

Nëse Berisha pas shpalljes non grata, pas përjashtimit nga Lulzim Basha do ishte tërhequr nga politika. Do kishte heshtur. Do shihte punën e tij. Pa diskutim atë nuk do ta gjente asgjë, siç thonin këta se po lufton për veten e tij. Askush nuk do t’i bënte asgjë, sepse u pa që është fabrikuar shpallja non grata, por provat nuk janë fabrikuar dot. Ai do vazhdonte jetën e tij i qetë.

Por nëse ai nuk do të ishte ky që është, çfarë do të ishte Shqipëria sot dhe në perspektivën e kësaj dekade ku jemi? Do të ishte një vend perfekt i një diktature liberale.

Do kishim një kryeministër që vjedh, vjedh, vjedh dhe sundon i pa cënuar nga askush.
Do të kishte mbaruar punë me median, drejtësinë (siç duket), ekonominë e vendit, shpopullimin dhe me opozitën.

Çdo gjë këtu do të trajtohej sipas skenarit të tij, sipas qejfit të tij.

Skandali McGonigall përshembull do trajtohej në një formë krejt tjetër nga sa u trajtua. Do na dukej sikur ky McGonigall ka dashur të korruptojë kryeministrin tonë, por KM rezistoi, se s’ka hajdut e korruptues 2 metra të gjatë.

Sot do të kishim një opozitë fasadë dhe opinioni publik do ta kishte marrë për të mirëqenë se; kemi opozitë, e mirë është opozita, po nuk është për të fituar zgjedhje, nuk është për të ardhur në pushtet. Jo se ka faj opozita, por Rama është shumë i fortë dhe shumë i suksesshëm për t’u mundur. Kështu së paku do shkonim deri në vitin 2030. Pasi edhe Vizionin-Shqipëria 2030 Rama e pati shpallur.

Vetëm 3 liderë, i katërti Rama, janë në botë që edhe pse janë demokraci në dukje, kanë shpallur vizion2030 të lidhur drejtpërdrejtë me pushtetarin ekzistues e jo me shtetin. Po ta shihni ata janë: Vuçiçi- Serbia2030, Putini- Rusia2030, Erdogan-Turqi2030 dhe Rama- Shqipëri2030.

Të katërt kanë opozita në vendet e tyre, por populli është mësuar se deri në 2030 janë këta që janë.
Në këto kushte do të ishte Shqipëria sot nëse Sali Berisha nuk do ishte Sali Berisha që është, por do të ishte Sali Berisha që mendonte Edi Rama, Lulzim Basha, Yuri Kim e ky McGonigalli.