LEXO PA REKLAMA!

SHKARKO APP

Druja e shtrembër, kanaçet bosh dhe bishti i qenit!

1 Shkurt 2023, 23:03, Opinione Ilir Levonja
Druja e shtrembër, kanaçet bosh dhe bishti i qenit!
Foto ilustruese

Ky Alibeu apo Bardhi janë minorancë absolute e demokratëve. Madje as minorancë jo, janë thjesht ajo druja e shtrëmbër e Mato Grudës, simboli bestyt që ai kishte në mendje për ballistët. Janë thjesht ca kanaçe boshe që lidhen pas bishtit të qenit për të zhurmuar lagjen. Megjithatë, Rama u dha të drejtën e interpelancës në lidhje me skandalin McGonigal. Pra për të njëjtën arsye që përjashtoi Sali Berishen dhe katër deputetë të demokratëve, pranoi Alibeun dhe Bardhin.

Në fakt nuk i ka pranuar as këta, por po tall b*thën me demokratët, madje me çdo zë kundërshtar, qofshin këta edhe nga të majtët e tij apo ajo shtresa gri, pjesa pa parti. Madje edhe Alibeu dhe Bardhi e dinë këtë, por u pëlqen. E dinë këtë nga gjoja konsensusi për reformën zgjedhore, për gjoja ligjin e hapjeve të dosjeve etj., por u pëlqejnë lojrat bizarre.

Nga ana tjetër mllefi pervers i humbësit i cili është totalisht i mbytur nga sindroma e fëmijës me lodrat e veta. Dhe ky nuk është më problem apo ngërç demokrat, por problem shëndetësor individual. Të paktën kjo kohë po i rrëfen demokratëve se sa duhet të luftojnë për dinjitetin e humbur të tyre. Të paktën po u rrëfen faqe burrash shqiptarëve, se sa të frikshme bëhet partitë kur shkelin me dy këmbë statutet e tyre. Të paktën po u rrëfen të lëkundërve se sa dyfish duhet të angazhohen në domosdoshmërinë e ndërrimit të pushtetit për të mos parë shfaqe kaq banale në jetën e tyre.

Madje edhe KQZ-ja pikërisht kanaçeve po përpiqet t'i jap të drejtën e vulës pavarsisht verdiktit të Gjykatës së Tiranës. Këto kanaçet kanë filluar ta mësojnë mirë propagandën e padronit të tyre, aq sa sot kanë njëjtëzuar Saliun me Ilir Metën. Se gjoja kjo aleancë është në dëm të demokratëve, megjithëse ndenjën dhe hynë në zgjedhjet e fundit në aleancë me gruan e Ilir Metës. Madje edhe prokuroria e posaçme që ju e njihni me emrin SPAK, pikërisht këtyre hiçëve u kërkoi me shkrim që të paraqesnin gjoja akuzën që kishin për Ramën në lidhje me çështjen McGonigal.

A do e thërrasi SPAK-u Ramën? As mos e çoni nëpër mend.  E dinë dhe këta, apo ky Bardhi këtë e di mirë, por i pëlqen loja. Kurse për sytë e shqiptarëve është koha e përkryer për të kuptuar banalitetin historik që po kalojnë. Pa shtet, pa drejtësi, pa Kushtetutë, pa Kuvend, pa përfaqësim, pa të ardhura, pa perspektivë. Kosova e brishtë sapo i ngriti rrogat. Shqipëria rrezik të ngrejë një bord edhe për pagat. Madje sa për të kuptuar edhe pak më tutje, sot shtëpia e presidentit në detyrë, në Amerikë, Joe Biden, u bastis nga agjentët e FBI. Shtëpia verore që ai ka në shtetin Delawere.

Arsyeja, përflitej se aty Joe Biden ruante dokumenta sekret. Pak muaj më parë në të njëjtat pozita u gjend edhe ish presidenti Donald Trump. Shtëpia e tij në Palm Beach, Florida, u bastis nga agjentët e FBI. Dokumentat e shtetit i përkasin shtetit, nuk janë personale. Ka shkelje ligjore. Kurse në mut shtetin tonë nuk ka bir kurve që ta preki Edi Ramën. (Një shprehje e huazuar nga vet Edi Rama). Tani se sa ju përfaqësojnë juve, këto kanaçet, se sa serioze dhe se sa përfundime të drejta do japi nesër Kuvendi dhe ky SPAK-u që ju prisni, është një vërr në ujë. Çfarë po ndodh nuk është asgjë tjetër, një lojë e ulët si zakonisht në atë mut shtetin tuaj. Jo Shqipërinë, por shtet mutin tuaj. Dhe dëm demokracinë e Edi Ramës.

15:24 Opinione Agim Xhafka

Për Korçë me motor

Kur punoja te gazeta “Koha Jonë” kisha një motor as të madh,...

08:22 Opinione Ola Xama

Skandali me kazinotë

Marrëzia e kumarit! Së fundi, në kryeqytetin tonë ka hapu...

Lajmet e fundit nga