web counter
LEXO PA REKLAMA!

SHKARKO APP

App Store
Google Play

Gjykata e Strasburg-ut pranon kërkesën e Aleancës për Mbrojtjen e Teatrit/ Kalaja: Faktet dolën, dorëheqja është detyrim

10 Shkurt 2023, 16:22, Aktualitet CNA
Gjykata e Strasburg-ut pranon kërkesën e Aleancës për
Adriana Kalaja

Gjykata e Strasburgut ka pranuar kërkesën e Aleancës për Mbrojtjen e Teatrit dhe ka kaluar për gjykim çështjen e mosekzekutimit të vendimit të Gjykatës Kushtetuese që lidhet me Teatrin Kombëtar.

Kryetarja e Komisionit të Apelimit, Adriana Kalaja, në një deklaratë për mediat është shprehur se ky vendim shënon kulmin e betejës ligjore sa i përket Teatrit Kombëtar.

“Ndërkohë që protesta më unike në 110 vjet shtet shqiptar ka hyrë në vitin e 6-të, një lajm i mirë vjen nga Gjykata e të Drejtave të Njeriut në Strasburg.

Ndryshe nga Gjykata jonë Kushtetuese, që nuk pati kurajon të mbrojë vendimin e saj, Gjykata e Strasburgut ka pranuar kërkesën e Aleancës për Mbrojtjen e Teatrit dhe ka kaluar për gjykim çështjen e mosekzekutimit të vendimit të Gjykatës Kushtetuese që lidhet me Teatrin Kombëtar.

Ky vendim shënon kulmin e betejës ligjore lidhur me Teatrin Kombëtar.

Asnjëherë nuk e kemi dëshiruar që drejtësia për Teatrin Kombëtar të vihet jashtë kufijve të Shqipërisë, dhe kjo gjë ndodh jo për dëshirën tonë por për faktin se "drejtësia e re" është më e vjetër se e vjetra.

Aleanca e falenderon me mirënjohje Gjykatën e Starsburgut dhe u bën thirrje Ramës e Veliajt, dhe të gjithë atyre që bëjnë shkelje dhe falen nga gjykatat tona që do të përfundojnë në gjykatat europiane.

Beteja jonë për Teatrin dhe trashëgiminë vazhdon. Vendimi i Strasburgut është vetëm një shenjë se jemi në rrugën e drejtë dhe në anën e duhur të histories”, ka thënë Kalaja.

Më tej ajo ka ftuar qytetarët në protestën e opozitës që do të mbahet ditën e nesërme para Kryeministrisë

“Ka shumë arsye për të protestuar kundër Ramës, Veliajt dhe drejtësisë së tyre. Teatri është vetëm njëra prej tyre. Bashkoju nesër protestës mbarëkombëtare në ora 12 para Kryeministrisë.

Faktet dolën - dorëheqja është detyrim”, është shprehur ajo./ CNA.al





Lajmet e fundit nga