web counter
LEXO PA REKLAMA!

SHKARKO APP

App Store
Google Play

Balluku publikon statistikat/ “Shqipëria, e para në Evropë për rritjen e fluturimeve”

18 Gusht 2023, 11:16, Aktualitet CNA

Balluku publikon statistikat/ “Shqipëria, e para në Evropë

Zëvendëskryeministrja dhe ministrja e Infrastrukturës dhe Energjetikës, Belinda Balluku, publikoi disa të dhëna nga “States in the Eurocontrol Network” ku Shqipëria rezulton e para sa i takon rritjes së fluturimeve.

Sipas të dhënave që ministrja e Energjisë dhe Infrastrukturës publikoi, shifrat tregojnë një rritje prej 80% të numrit të fluturimeve.

Balluku bën me dije se, nga Aeroporti Ndërkombëtar i Tiranës, bëhet çdo ditë një punë e shkëlqyer pasi kanë përballuar me profesionalizëm dhe sukses fluksin e udhëtarëve të këtij viti, fluks i cili ishte parashikuar për vitin 2027.

“Shifra që flasin vetë! Shqipëria prej muajsh kryeson renditjen e vendeve me rritjen më të madhe në ulje - ngritje të avionëve civil.

Në 2016, kur lufta në Siri impaktoi ndjeshëm trafikun tonë ajror, dukej e vështirë rimëkëmbja e trafikut ajror në korridorin ku Shqipëria përket, por sot zyrtarisht falë përpjekjeve të përbashkëta të Qeverisë Shqiptare, të djemve dhe vajzave, burrave dhe grave që kontribuojnë në Albcontrol  , Agjensia Kombëtare e Trafikut Ajror dhe padyshim me punën e palodhur që bëhet prej kohësh tani në Autoriteti i Aviacionit Civil - AAC ,  për të sjell vendin tonë në standartet më të larta ndërkombëtare, kemi keto rezultate të pakontestueshme.

Punë e shkëlqyer bëhet çdo ditë nga Aeroporti Ndërkombëtarë i Tiranës, që ka përballuar me profesionalizëm e sukses fluksin e udhëtarëve të këtij viti që i përkon faktikisht parashikimive për vitin 2027.

Tashmë na presin përpara projekte të reja që do i japin akoma më shumë fuqi e zë aviacionit civil në Republikën e Shqipërisë.

Nëse punojmë të gjithë së bashku, nëse punojmë mbi strategji e politika të mirë studiuara, vetëm rezultate të shkëlqyera do të kemi përpara!”, shkruan Balluku./ CNA

Balluku publikon statistikat/ “Shqipëria, e para në Evropë





Lajmet e fundit nga