LEXO PA REKLAMA!

SHKARKO APP

Alibeaj tërhiqet për pazar

17 Janar 2023, 09:51, Aktualitet CNA

Alibeaj tërhiqet për pazar

Enkelejd Alibeaj është tërhequr nga ankimimi për bashkimin e 2 statuteve të Kuvendit të 17 korrikut dhe 18 dhjetorit me justifikimin që t’i hapë rrugë gjykimit të vendimit të Agron Zhukrit për vulën e PD-së.

Pushimi i kësaj çështjeje i hap rrugë vetëm regjistrimit të ndryshimeve në Kuvendin e 17 korrikut që u mbajt nga Lulzim Basha.

Pavarësisht kësaj lëvizjeje ai po e mban peng PD-në e vulën dhe më shumë sesa një tërheqje, duket se është një pazar, nga ato që Alibeaj tashmë ia ka marrë dorën.

Gjithçka po kurdiset para zgjedhjeve vendore të 14 majit, sipas pazareve nën rrogoz të Alibeajt me pushtetin.

Pra, nuk është thjesht një tërheqje që justifikohej nga avokati Indrit Sefa se çështja është shndërruar në një artifice juridike që po zvarritet dhe se gjyqi i planifikuar për sot qenka bërë pengesë për gjykimin e vendimit të Zhukrit.

Por është pazari i radhës të cilit së shpejti do t’i dalë tymi.

Të gjitha lëvizjet përçarëse që ka ndërmarrë deri më tani kanë çuar ujë në mullirin e pushtetit.

Pas mbajtjes peng të vulës, të cilën po e kërkon para 14 majit, ai vetëm para pak ditësh, ndërmori një sulm ndaj PD-së, duke përjashtuar nga grupi parlamentar 4 deputetë të PS-së, ndërmjet tyre kandidatin e opozitës për kryebashkiak të Tiranës, Belind Këlliçi.

Pa harruar këtu bashkëpunimin në Kuvend me socialistët./CNA.al

Lajmet e fundit nga