web counter
LEXO PA REKLAMA!

SHKARKO APP

App Store
Google Play

E fundit!

x

Në gusht refuzoi ta firmoste/ Shkresa që çoi në burg Arlind Gjokutën

16 Janar 2023, 18:57, Aktualitet CNA
Në gusht refuzoi ta firmoste/ Shkresa që çoi në burg
Sekretari i Përgjithshëm i Ministrisë së Financave, Arlind Gjokuta

Sekretari i Përgjithshëm i Ministrisë së Financave në gusht të vitit të kaluar refuzoi të firmoste dëmshpërblimin por disa muaj më pas pranoi të lëvronte fondet. Euronews sjell shkresat e sekuestruara nga grupi hetimor ndërsa Arlind Gjikokuta mbahet ende në spital ku pritet ti nënshtrohet një ndëhyrjeje kirurgjikale.

Në gusht të vitit të kaluar, Sekretari i Përgjithshëm i Ministrisë së Financave Arlind Gjokuta nuk kishte pranuar raportin e vlerësimit të përmbaruesit privat, Alban Ruli.

Në shkesën e sekuetruar nga grupi hetimor, të firmosur nga drejtoresha e përgjithshme, në mungesë dhe me porosi të sekretarit të përgjithshëm, përmbaruesi informohej se kreditori Ilir Thana është dëmshpërblyer në vitin 2015. Më pas në shtator Sekretari i Përgjithshëm vihet në dijeni sërish nga drejtoria e shërbimeve mbështetëse dhe ajo e buxhetit të cilat shprehen në mënyrë të përsëritur se pagesa e detyrimit është kryer e plotë nga ministria e financave për Ilir Thanën në bazë të vendimit të gjykatës së lartë të vitit 2004.

Çuditërisht megjithse ishte në dijeni, sekretari i përgjithshëm Gjokuta bashkë me drejtorin e çështjeve ligjore Fatmir Hoxhaj kanë vijuar me pranimin e praktikës dhe në muajin tetor, konkretisht më datë 11 është derdhur fillimisht shuma monetare prej 250 milion lekësh të vjetra, në llogarinë e motrës së Ilir Thanës.

Në total iu kaluan rreth 480 milionë lekë ndërsa shuma finale që prisnin ishte rreth 1 miliard e 500 milion të vjetra. 2 zyrtarët e Ministrisë së Financave u lanë në burg nga gjykata bashkë me përmbaruesin Alban Ruli dhe pritet që këto dit të ankimojnë vendimin në Gjykatën e Apelit. Euronews mëson se Arlind Gjokuta mbahet ende në spital atje ku pritet ti nënshtrohet një ndërhyrje kirurgjikale për shkak të problemeve shëndetësore me zëmrën që iu shfaqën pas arrestimit./ Euronews Albania





Lajmet e fundit nga