web counter
LEXO PA REKLAMA!

SHKARKO APP

App Store
Google Play

E fundit!

x

Sizmiologu qetëson qytetarët/ Rrapo Ormeni, për CNA: Nuk ka vend për panik

16 Janar 2023, 11:30, Aktualitet CNA
Sizmiologu qetëson qytetarët/ Rrapo Ormeni, për CNA: Nuk ka vend
Sizmiologu Rrapo Ormeni

Sizmiologu Rrapo Ormeni në një prononcim ekskluziv për CNA.al, ka qetësuar qytetarët duke shpjeguar se lëkundjet e njëpasnjëshme të tërmetit të ndier së fundi në Shqipëri janë normale dhe nuk ka nevojë për panik.

Sipas sizmiologut janë goditje që ndihen fort, por nuk shkaktojnë dëmtime në zonën epicentrale. 

"Duhet të theksojmë që në fillim se në këtë rast nuk ka nevojë për panik. Për arsye sepse ky është një tërmet me magnitudë më të vogël se 5 rihter. Janë tërmete që ndihen fort por nuk shkaktojnë dëmtime as në zonën epicentrale, mund të shkaktojnë dëmtime të shtëpitë të vjetra, aq më tepër pastaj në zona të largëta, siç është Tirana që është 29 km dhe goditja vjen 1.5 deri në 2 shkallë më e vogël.

Nuk ka nevojë për panik edhe për faktin tjetër që tërmeti është në një zonë që gjeneron tërmete në moderatë. Tërmetet në këtë zonë janë gjeneruar te magnituda më e madhe, deri në 5.2  që ka qenë në 11 Gusht të 2018 dhe më pas ka patur tërmete me magnitudë 5 ose 5.1 siç ka qenë 1929 dhe 1978. Është një zonë që gjeneron tërmete që nuk krijojnë dëmtime por vetëm ndihen fort nga njerëzit.

Këto lloj lëkundjesh për vendin tonë janë lëkundje normale, nga e cila Toka çlirohet herë pas here që vendos gjendjen e saj të ekuilibrit”, është shprehur Rrapo Ormeni./ CNA.al





Lajmet e fundit nga