web counter
LEXO PA REKLAMA!

SHKARKO APP

App Store
Google Play

E fundit!

x

Dokumentoi masakrën e Reçakut/ Kameramani tregon përjetimet: Qaja teksa filmoja viktimat

15 Janar 2023, 15:23, Aktualitet CNA

Dokumentoi masakrën e Reçakut/ Kameramani tregon përjetimet:

Në 24-vjetorin e përkujtimit të masakres në Reçak të Kosovës ku u vranë dhjetëra persona, kameramani i agjensisë së lajmeve "Associated Press", Sylejman Kllokoqi ka treguar pamjet rrënqethëse të saj pas largimit të policisë.

Në një intervistë për gazetaren Bruna Çifligu në “Euronews Now” ai rrëfen pamjet tronditëse të viktimave, trupat e të cilave ishin përgjysmuar dhe copëtuar.

Ai rrëfeu se dhimbja treksa shikonte ato pamje ishte shumë  e madhe dhe se kamerën nuk e fiku në asnjë moment pasi të gjitha tmerret që sytë e tij i kishin parë duhet t’i shikonte e gjithë bota.

“Në mëngjes herët rreth orës 6-7 kam shkuar shumë herët në atë zonë dhe i pyeta disa banorë a u largua policia, dhe menjëherë hyra brenda. Xhirova ato pamje që bënë xhiron e botës shumë shpejt. Më vonë ka ardhur Wolker që e ka quajtur krim ndaj njerëzimit. Serbët erdhën morën trupat, i çuan në  Prishtinë i kthyen prapë. Kam qenë ndër të parët që kam hyrë, rrugës më kujtohet një njëri pa kokë dhe ishte çuar familja kërkonte kokën e tij nëpër oborr. Rrugës ka pasur viktima afër njëri-tjerrin, më pas mbërrij te lugina ku ishin trupat e tjerë. I kam xhiruar shumë shpejt dhe kam shkuar në Prishtinë që t’i çoj në botë, dhe jam kthyer prapë në Reçak”, rrëfeu Kllokoqi./ CNA.al

 

 

 





Lajmet e fundit nga