web counter
LEXO PA REKLAMA!

SHKARKO APP

App Store
Google Play

Akuzat për Ahmetajn, SPAK-u sjell sërish Mirel Mërtirin si trurin e inceneratorëve

11 Korrik 2023, 14:01, Aktualitet CNA

 

Akuzat për Ahmetajn, SPAK-u sjell sërish Mirel Mërtirin si trurin
Mirel Mërtiri

 

SPAK-u ka çuar në Kuvend ditën e premte kërkesën për heqjen e imunitetit dhe arrestimin e ish-zv.kryeministrit Arben Ahmetaj, një procedurë, që është hetuar nga prokurori Altin Dumani dhe Enkeleda Millonai.

Arben Ahmetaj akuzohet nga SPAK-u për lidhje me njerëzit e inceneratorëve dhe për përfitime nga ata. Ahmetaj, në deklarimet e Komisionit Hetimor të dy viteve më parë, theksoi se e njihte Mirel Mërtirin, por ai nuk kishte firmosur kurrë dokumente apo kishte ndikur si zyrtar që ky i fundit të kishte përfitime nga postet që mbante Arben Ahmetaj. Këto janë fakte që janë hetuar nga SPAK-u, do t’i çohen gjykatës, prokurorët kanë akuzat e tyre, avokatët do të mbrojnë tezat e ish-zv.kryeministrit, por gjithçka tashmë i përket drejtësisë.

Risia e të gjithë asaj që ndodhi është fakti se tashmë rikthehet në skenë Mirel Mërtiri. Çështja e Arben Ahmetajt prej kohësh dihet, pati edhe denoncime të servirura nga njerëzit e Mirel Mërtirit në SPAK. Është krijuar një grup banditësh mediatikë në shërbim të njerëzve të inceneratorëve, por këto detaje më shumë se akuza dhe fakte gazetareske tashmë janë provuar.

SPAK-u në kallëzimin apo në kërkesën që i ka çuar Kuvendit për Arben Ahmetajn, faktet dhe provat e dosjes, tregon qartazi se “truri” i inceneratorëve, njeriu kryesor i skemës së inceneratorëve në Shqipëri, quhet Mirel Mërtiri.

Për të parë ka një ndryshim nga rastet e mëparshme kur në media u përfolën dhe u akuzuan thjesht dhe vetëm lidhjet e Arben Ahmetajt me Klodian Zoton, ndërsa tashmë SPAK-u në dokumentet që ka përgatitur për Arben Ahmetajn përmend edhe shtetasin Mirel Mërtiri.

 

Pra, skema që ka deklaruar CNA se Mirel Mërtiri dirigjonte në hije çdo veprim që bëhej nga gazetarët dhe grupe të caktuara mediatike që kishin marrë para nga kompanitë e inceneratorëve në Tiranë, duket se është zbuluar dhe Mirel Mërtiri ka rënduar dhe më tej pozitat e vetes së tij.

Në denoncimin e bërë pak muaj më parë ndaj Arben Ahmetajt, përmendej vetëm ky i fundit dhe Klodian Zoto, Mirel Mërtiri shmangej.

Në fakt, SPAK-u tashmë ka gjetur faktet dhe provat që e lidhin Arben Ahmetajn me Mirel Mërtirin. Pra, Mirel Mërtiri ka një tjetër akuzë të shtuar të korrupsionit aktiv dhe pasiv.

Qartazi, ditë pas dite, te dosjet e inceneratorëve po zbardhet e vërteta e plotë dhe jo gjysmë të vërtetat e servirura nga mediat e propagandës së inceneratorëve apo mediat e paguara nga inceneratorët.

E vërteta është një dhe e plotë, nuk mund të jetë përgjysmë, pasi përgjysmë ajo është gënjeshtër.

Kështu ka ndodhur me inceneratorët ku gjatë gjithë kohës shqiptarëve u janë ofruar gjysmë informacione, propagandë e shfrenuar, miliona euro reklama dhe ortakëri me “Top Channel” duke paguar media të tjera si “Report TV”, duke paguar portale dhe gazetarë.

Tashmë faktet janë publike. “Truri” i inceneratorëve, qartazi, sipas SPAK-ut, është Mirel Mërtiri dhe lidhjet e tij. Pra, nuk ka ngelur gjithçka thjeshtë dhe vetëm te Klodian Zoto dhe lidhjet e tij të pretenduara me Arben Ahmetajn. Gjithçka është hetuar, është thelluar dhe të gjithë po dalin ditë pas dite zbuluar.

Emri i Mirel Mërtirit, i cili ka qenë tabu dhe nuk përmendej nga askush, tashmë përmendet dhjetëra herë në dosjen e re të SPAK-ut në lidhje me hetimet e bëra ndaj ish-zëvendëskryeministrit Arben Ahmetaj.

 

 





Lajmet e fundit nga