E fundit!

09:47 Aktualitet

Transportonte lëndë plasëse me qëllim shitjen e tyre/ E pëson 52-vjeçari në Tiranë

Një 52-vjeçar është arrestuar pasi është duke transportuar...

Zbardhet dosja e SPAK/ 6 rastet ku dyshohet se ka kryer korrupsion Arben Ahmetaj

10 Korrik 2023, 18:57, Aktualitet CNA

SPAK i dërgoi sot një dosje Kuvendit, ku kërkonte të hiqej imuniteti i deputetit të PS-së dhe ish-zv.kryeministrit, Arben Ahmetaj, për të bërë të mundur arrestimin e tij.

Kjo pasi SPAK ka ngritur 4 akuza ndaj Arben Ahmetajt, në lidhje me aferën e inceneratorëve.

Në dosjen e zbardhur, thuhet se janë evidentuar 6 raste, ku ish-zv.kryeministri ka kryer korrupsion.

Struktura e Posaçme pretendon se deputeti socialist ka përfituar rreth 500 mijë euro gjatë viteve 2016-2020, nga “kokat” e inceneratorëve Klodian Zoto dhe Mirel Mërtiri.

Dyshime janë ngritur edhe për vilën e sekuestruar në Hamallaj, e cila mund të jetë përfituar në mënyrë të tërthortë në vitin 2017.

Gjithashtu SPAK pretendon se Zoto dhe Mërtiri i kanë paguar Ahmetajt rreth 34 mijë euro bileta avioni dhe hotele gjatë viteve 2013-2017.

Konkretisht SPAK pretendon se Arben Ahmetaj ka përfituar:

Shumën prej 170,480 euro në vitin 2016 dhe 2017, duke u mbuluar natyra e vërtetë e burimit dhe duke u paraqitur si pagesë e bërë shtetasve Albina Mançka dhe Arben Ahmetaj, përkundrejt një ‘shitjeje’ ndaj shtetasit Andi Boni (pagesë e kryer në përfundim nga shtetasi Helidon Begaj) në 2 apartamente ne sip.124.15 m2, ndodhur në ZK3292, në vendin e quajtur Selitë, në pallatin e ndërtuar nga shoqëria ‘Sheron”, sh,p.k, vlerë kjo e paguar në mënyrë të tërthortë nga shtetasit Klodian Zoto dhe Mirel Mërtiri, nëpërmjet shtetasve Andi Boni dhe Helidon Begaj.

Pasurinë truall+ndërtesë me nr. pasurie 1/110 vol.12 faqJa 26 ZK 1925, me sipërfaqe tualli 521.13 m2, e përfituar në vitin 2017 nga shtetasit Klodian Zoto dhe Mirel Mërtiri, në mënyrë të tërthortë në nëpërmjet transaksioneve të kalimit më parë të kësaj pasurie në pronësi të shtetases Erjola Hoxha, bashkëjetuese e personit nën hetim Arben Ahmetaj.

Shumën prej 130,000 euro në vitin 2017 dhe 2018 duke u mbukuar natyra e vërtetë e burimit dhe duke u paraqitur si pagesë e bërë shtetasve Albina Mançka dhe Arben Ahmetaj, përkundrejt një ‘shitje’ ndaj shtetasit Besmir Prifti, të një apartamenti me sipërfaqe, 178.68m2 dhe një garazhdi me sipërfaqe 21 m2, ndodhur në ZK 3292, në vendin e quajtur Selitë, në pallatin e ndërtuar nga shoqëri ‘Sheron” sh.p.k, vlerë kjo e paguar në mënyrë të tërthortë nga shtetasit Klodian Zoto dhe Mirel Mërtiri. Dhe subjekti tregtar “Intefradet Technology Services”, sh.p,k nëpërmjet shtetasit Besmir Prifti.

Shumën prej 140.000 euro në vitin 2018, duke u mbukuar natyra e vërtetë e burimit dhe duke u paraqitur si pagesë e bërë shtetasve Albina Mançka dhe Arben Ahmetaj, përkundrejt një ‘shitje’, ndaj shtetases Sonila Goxhaj, të një apartamenti me sipërfaqe 178.68 m2 dhe një garazhi me sip 21 m2 ndodhur në zonën në ZK 3292në vendin e quajtur Selitë në pallatin e ndërtuar nga shoqëria ‘Sheron” sh.p.k vlerë e paguar në mënyrë të tërthortë nga shtetasit Klodian Zoto dhe Mirel Mërtiri, nëpërmjet shtetasve Sonila Goxhaj, Sokol Meqemeja dhe shoqërisë “Frigo Food” sh.p,k.

Shumën prej rreth 34.422 euro të përfituar në formën e shpenzimeve dhe pagesa hotelesh, udhëtimesh përgjatë periudhës 2013-2017, pagesa këto të kryera drejtpërdrejt nga shtetasit Klodian Zoto dhe Mirel Mërtiri për shtetasin Arben Ahmtaj apo të afërm të tij.

Shumën në total prej 2.007,373 lekë, në vitin 2019 dhe 2020 në formën e pagesave të kryera ndaj subjekteve tregtarë të ndryshme nga shtetasit Klodian Zoto dhe Mirel Mërtiri, nëpërmjet shoqërisë “Integrated Technology Services”, Sh.pk në funksion të një investimi të kryer në pasurinë e llojit apartament me nr.7/434+1+1 sip 167 m2 rruga Reshit Çollaku, ap.1 në pronësi të Arben Ahmetajt./ CNA.al