web counter
LEXO PA REKLAMA!

SHKARKO APP

App Store
Google Play

Berisha, për Ahmetajn: Ku ishte kur Rama i shkoi me avion për t’i imponuar firmën

10 Korrik 2023, 13:31, Aktualitet CNA

Berisha, për Ahmetajn: Ku ishte kur Rama i shkoi me avion për

Ish-kryeministri Sali Berisha ka folur në lidhje me kërkesën e SPAK-ut për arrestimin e Arben Ahmetajt.

Ai theksoi se Prokuroria e Shtetit nuk ka asnjë lloj pengese për të hetuar korrupsionin duke përmendur aferën e djegësve dhe duke denoncuar se Erion Veliaj i ka paguar së fundi kompanisë së Bruno Precezit 800 mijë euro.

Ndër të tjera u shpreh se uron që Ahmetaj si detyrim ndaj shqiptarëve, t'u thotë ku ishte kur Rama i shkoi me avion privat për t’i imponuar firmën.

Berisha akuzoi Ramën si njeriun kryesor të përfshirë në aferën e inceneratorëve.

“Siç e dini në vitin 2012 PD dhe koalicioni qeverisës kanë hequr imunitetin për aferën e korrupsionit. Pra, Prokuroria e shtetit nuk ka asnjë lloj penegse për të hetuar korrupsionin për shkak të imunitetit.

Afera e djegësve është afera më korruptive.

Dje apo pardje, Erion Veliaj i ka dërguar kompanisë se Bruno Prescezit 800 mijë euro.

Kompania e krimit vazhdon të thithë paratë e taksapaguesve shqiptarë.

Lidhur me rastin konkret duke mbështetur pa asnjë hezitim çdo zbatim të ligjit shtoj këtu se në mënyrën më të padiskutueshme kreu i meduzës së kësaj afere ka vetëm një emër dhe ai është Edi Rama.

Nëse me pyet mua ministri i Financave ka përgjegjësitë e veta të padiskutueshme qoftë me veprimin dhe mosveprimin e tij.

Uroj t'u thotë shqiptarëve që si ia imponoi Edi Rama, ku ishte, ku Rama i shkoi me avion për t'i imponuar firmosjen.

Kurrë ligji mëshirë për frikacakun nuk ka. Të paktën si detyrim i fundit t'u thotë shqiptarëve ku ishte ku Edi Rama shkoi me avion për t'i marrë firmën”, tha Berisha./ CNA





Lajmet e fundit nga